Nadyrov Kamaljan Talǵatuly 1983 jyly 27 aqpanda dúnıege kelgen, eki joǵary bilimi bar – medısınalyq jáne ekonomıkalyq. S.D. Asfendııarov atyndaǵy qazaq memlekettik medısına ýnıversıtetin , Turan ýnıversıteti, Qoǵamdyq densaýlyq saqtaý joǵary mektebin bitirgen. Duke University, «The Fuqua School of Business» (AQSh), Parkway College» (Sıngapýr), «Florence Nightingale» (Túrkııa) klınıkalar tobynda, «Oxford» Social Health Insurance system» (Germanııa) bilim aldy. «Qoǵamdyq densaýlyq saqtaý» (MVA) mamandyǵy boıynsha iskerlik ákimshilendirý magıstri jáne «Bıznes ákimshilendirý» (EMBA) mamandyǵy boıynsha iskerlik ákimshilendirý magıstri.
2007 jyldan 2014 jylǵa deıin B.Ý.Jarbosynov atyndaǵy Ýrologııa ǵylymı ortalyǵynda klınıkalyq ordınator, bólim meńgerýshisi, bas dırektordyń orynbasary bolyp jumys istedi. 2016 jyldan 2017 jylǵa deıin Respýblıkalyq dıagnostıkalyq ortalyqty basqardy — «University Medical Center» fılıalynyń dırektory boldy. 2017-2018 jyldary Astana qalasynyń densaýlyq saqtaý basqarmasyn, 2019 jyldyń naýryz aıyna deıin Astana qalasynyń qoǵamdyq densaýlyq saqtaý basqarmasyn basqardy. 2019 jyldan 2020 jylǵa deıin QR Densaýlyq saqtaý vıse-mınıstri qyzmetin atqardy, 2020 jylǵy maýsym-qazan aralyǵynda Almaty Qoǵamdyq densaýlyq basqarmasynyń basshysy boldy.
