Búgin Mınsk qalasynda «Aqyldy turaqty qalalar: damýdyń uıymdastyrýshylyq jáne tehnıkalyq aspektileri» halyqaralyq elektr baılanysy odaǵynyń forýmy ótip jatyr, onda Qazaqstan, Reseı, Ýkraına jáne Ázirbaıjan spıkerleri, BUUDB jobalarynyń sarapshylary, jetekshi salalyq kompanııalardyń mamandary praktıkalyq tájirıbe men aqyldy turaqty qalany qurý joldaryn usynady.
Birinshi sessııada uıymdastyrý aspektileri, etalondyq standartty qalyptastyrý kezeńderi, Qazaqstannyń «Aqyldy qalasyn» qurý ádisnamasy týraly «Zerde» holdınginiń Basqarma tóraǵasy Arman Abdrasılov sóz sóıleıdi.
Azamattardyń ómir súrý sapasyn jáne qalalyq qyzmetterdiń tıimdilik deńgeıin arttyrý úshin Qazaqstanda qalalyq ınfraqurylymǵa aqparattyq – kommýnıkasııalyq tehnologııalardy engizý arqyly Smart City "Aqyldy qalalar" jobasy iske asyrylýda.
«Aqyldy» qalalardy salý tásilin standarttaý úshin "Zerde" holdıngi eldiń «aqyldy» qalalarynyń etalondyq standartyn ázirledi. Qujat AKT-ny paıdalana otyryp, «Aqyldy qala» salý úshin JAO-nyń negizgi tásilderin, aqyldy qalalar mánmátininde AKT-ny engizýmen jáne paıdalanýmen baılanysty tıimdiliktiń 100 negizgi kórsetkishterin, jergilikti jáne halyqaralyq tájirıbe negizinde Qazaqstanda aqyldy qalalar qurý boıynsha usynylatyn 110 bastamany, sondaı-aq «Aqyldy qala» bastamalaryn baǵalaý jáne kemeldilikti baǵalaý ádisnamasyn aıqyndaıdy.
«Qaýipsizdik» baǵyty boıynsha qoǵamdyq jáne jol qaýipsizdigin qamtamasyz etý aıasynda Sergek foto-beınetirkeý jobasy iske asyryldy.
Kólik salasynda elektrondyq bıletteý jáne qoǵamdyq kólikti dıspetcherleý jobalary, "aqyldy turaq" qyzmeti iske asyrylýda.
TKSh salasynda pılottyq kóppáterli turǵyn úılerde derekterdi biryńǵaı aqparattyq júıege qashyqtyqtan berý múmkindigimen jylý, sý jáne elektr energııasyn esepteýishter ornatylady.
