Sonymen birge Reseı, Fransııa, Avstrııa, Belgııa, Koreıa, Japonııa azamattary óz elderindegi Naýryz meıramynyń atalyp ótý dástúri jaıynda pikir almasady. Arnaıy qonaqtar arasynda Reseıdegi B.Elsın atyndaǵy Oral Federaldy ýnıversıtetiniń rektory Vıktor Koksharov, Fransııadaǵy Mustafa Shoqaı qorynyń prezıdenti Iаshar Dınch, Bashqurtstannyń Halyq ártisi, Marın teatrynyń solısi Asqar Abdrazaqov, KultEurasia – Eýrazııadaǵy mádenı dıalogy qaýymdastyǵynyń prezıdenti Danıela Lıberýırt, Ulybrıtanııadaǵy qazaq qaýymdastyǵynyń tuńǵysh prezıdenti Ismaıl Kesedjı, Koreıadaǵy Hangýk shet tilder ýnıversıtetiniń qazaq tili muǵalimi Choı En Sýn, Tatarstandaǵy «Qazaqstan» ulttyq-mádenı birlestiginiń jetekshisi Saǵıt Jaqsybaev, «Qazaqstan» arnasynyń Belgııadaǵy menshikti tilshisi Nursulý Qasym bar.
Shara Qazaq radıosynyń 100 jyldyq mereıtoıy aıasynda uıymdastyrylyp otyr. Ult ustazy Ahmet Baıtursynulynyń bastaýymen 1921 jyly Orynbor qalasynan aqparat tarata bastaǵan radıoarna qazir el aýmaǵynyń 89 paıyzyn qamtyp otyr.
Radıokópir Qazaq radıosy, «Shalqar» radıosynan jáne atalǵan radıoarnalardyń áleýmettik jelidegi paraqshalarynan (Facebook, You Tube) tikeleı efırde kórsetiledi.
