Sport • 18 Naýryz, 2021

Samýsev pen Jánibekýýlý arasynda ótetin aıqasqa az kún qaldy

53 ret kórsetildi

NAIZA Fighting Championship promoýsheniniń ýaqytsha chempıony ataǵy úshin qazaqstandyq faıter Nıkolaı Samýsev pen qyrǵyz batyry Qanybek Jánibek ýýlý arasyndaǵy kezdesý mıksfaıttyń jankúıerleri arasynda daý-damaı men tartysty órbitýdi jalǵastyrýda. Jankúıerler, sport sarapshylary, kásibı jaýyngerler – búkil MMA qaýymdastyǵy NFC 30 basty oqıǵasyn asyǵa kútýde, dep habarlaıdy Egemen.kz

«Bul jekpe-jektiń sheshýshi faktory ne bolmaq? Samýsevtiń soqqy jasaýdaǵy basymdylyǵy ma álde Jánibek ýýlýnyń tózimdiligi men joǵary sanatty grepplıngi me?» degen saýalǵa qarsylastardyń jeńiske jetý múmkindikteri týraly pikir bildirgen  QR eńbek sińirgen sport sheberi, MMA jáne djıý-djıtsýdan 4 dúrkin álem chempıony Aıdar Mahmetov jaýap berdi.

«Sóz joq, bizdi qyzyqty qaqtyǵys kútedi. Biz soqqy jasaý sheberi men palýan arasyndaǵy klassıkalyq jekpe-jekti kóremiz. Qanybek Jánibek ýýlý qoıanqoltyq kúrestiń mamany, oǵan qosa tamasha grepplıng pen joǵary tózimdilikke ıe. Ár jekpe-jektiń aldynda ol 20 kg salmaq tastaǵanymen, uzaq básekege shydamdy. Jaýynger myǵym deneli, sondaı-aq onyń qazaqstandyq MMA jaýyngerlerimen kezdesý boıynsha tájirıbesi bar. Qanybek tek jeńis úshin keledi jáne NFC belbeýin ıelenýge bar kúshin salýǵa saqadaı saı. Nıkolaı Samýsev - taı boksynan álem chempıony, birneshe jyl buryn ol MMA-da óz kúshin synap kórýdi sheshti. Ol kúres tásilderin jáne qarsylastan aıaqqa ótýden qorǵaný turǵysynan ózin únemi jetildirilip otyrady jáne grepplıngti jaqsy ıgerdi. Jaýynger óte kúshti, eki qolymen de joıqyn soqqy jasaı alady. Onyń ústine, onyń soqqysy qarsylasyn nokaýtqa túsiredi. Nıkolaıdyń basty mindeti - Qanybekti aıaqqa ótýge jibermeý. Nıkolaı qyrǵyz faıteriniń osyndaı talpynystaryna alǵashqy raýndtarda tótep bere alsa, Samýsev Qanybekke qaraǵanda úsh ese az jekpe-jekke ótkizgendigine qaramastan, kezdesýdiń jeńimpazy atana alady. Jeńiske Samýsev jetedi dep oılaımyn», - dep túsindirdi sarapshy.

DAR Pro Team komandasynyń ókili, týmysy qazaq, reseılik MMA jaýyngeri Damır Ismaǵulov ta aldaǵy jekpe-jekke qatysty óz boljamyn aıtty.

«Qyrǵyz MMA jaýyngerleriniń myqty fızıkalyq múmkindikterin aıtyp ótkim keledi. Meniń oıymsha, bul básekede Qanybek kúsh pen qýatqa súıenedi. Al Nıkolaımen biz burynnan tanysbyz, ol meniń sparrıngtik seriktesim boldy jáne maǵan UFC jekpe-jekterin daıyndalýyma kómektesti. Onyń arsenalynda taı boksynyń daǵdylary bar jáne ol únemi ózin jetildirip, damyp keledi. Sońǵy ýaqytta ol jańa deńgeıge jetti, biz ony anyq baıqadyq. Jekpe-jekke qatysty meniń boljamym - Samýsevtiń ekinshi raýndta merziminen buryn jeńisi».

Esterińizge sala keteıik, 9 sáýirde NAIZA Fighting Championship promoýshni MMA jankúıerlerine tartysty kezdesýlerdiń toptamasyn usynady. Keshtiń basty oqıǵasy - 65,8 kılogramm salmaq dárejesinde NFC lıgasynyń ýaqytsha chempıony ataǵy úshin qazaqstandyq faıter Nıkolaı Samýsev (6-0) pen Qyrǵyzstannan kelgen Qanybek Jánibek ýýlý (11-3) arasyndaǵy aıqas.

Iventtiń tikeleı kórsetilimi Nur-Sultan ýaqytymen saǵat 19:00-de bastalady jáne ony NAIZA TV Youtube-arnasynan tamashalaýǵa bolady.

Sońǵy jańalyqtar

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar