Jetinshi shaqyrylymdaǵy Shymkent qalasy máslıhatynyń kezekti úshinshi sessııasynda shahardaǵy birqatar quramdas bólikterge jańa ataýlar berildi. Osylaısha úshinshi megapolıstegi ataýy joq 340-qa jýyq kóshe munan bylaı memlekettik tildegi jańa atpen atalmaq, dep habarlaıdy Egemen.kz
Bul týraldy qalalyq máslıhat sessııasynda «Shymkent qalasynyń keıbir quramdas bólikterine ataý berý týraly arnaıy joba» jarııalandy.
«Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Qazaqstan Respýblıkasy Zańynyń 13-baby 4) tarmaǵyna sáıkes, Qazaqstan Respýblıkasy Úkimetiniń janyndaǵy Respýblıkalyq onomastıka komıssııasynyń 2021 jylǵy 3 aqpandaǵy qorytyndysynyń negizinde jáne tıisti aýmaq halqynyń pikirin eskere otyryp, Shymkent qalasynyń ákimdigi QAÝLY etedi jáne Shymkent qalasynyń máslıhaty sheshim qabyldady», delingen Joba habarlamasynda.
Qýantarlyǵy, bul tizimde ǵasyrlyq tarıhy bar elimizdiń bas basylymy - «Egemen Qazaqstan» gazetiniń atyna da kóshe ataýy berildi. Endigide qalanyń Qarataý aýdanyna qarasty Bozaryq saıajaıyndaǵy ataýy joq kóshe «Egemen Qazaqstan kóshesi» bolyp atalady.
Sondaı-aq, atalǵan aýdandaǵy taǵy birneshe kóshege respýblıkalyq buqaralyq aqparat quraldarynyń ataýy berildi. Olardyń qatarynda ulttyń únparaǵy - Qazaq radıosy de bar.
Aldaǵy ýaqytta qalaǵa qarasty aýdandardyń ákimderi osy birlesken qaýly men sheshimdi iske asyrý jóninde qajetti sharalar qabyldamaq. Al, qalalyq mádenıet, tilderdi damytý jáne arhıvter basqarmasy Qazaqstan Respýblıkasynyń zańnamasynda belgilengen tártippen osy qujatty Shymkent qalasynyń Ádilet departamentinde memlekettik tirkeýden ótkizedi. Birlesken qaýly men sheshim onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engizilmek.
Úmit • Keshe
О́nerkásiptiń qozǵaýshy kúshi – ǵylym
Ǵylym • Keshe
Bıznes • Keshe
Pikir • Keshe
Pikir • Keshe
Ustaz • Keshe
Uqsas jańalyqtar
