Qoǵam • 19 Naýryz, 2021

Jańaózende ońaltý ortalyǵy ashyldy

17 ret kórsetildi

Týǵanynan taǵdyrdyń taýqymetin tartyp, ártúrli derttiń tyrnaǵyna ilinip jatatyndar joq emes. Qoǵamda «múmkindigi shekteýli» dep atalatyn bul jandarǵa, ásirese, balalarǵa jaǵdaı jasaý – mindet. Osy oraıda Prezıdent Qasym-Jomart Toqaevtyń bastamasymen uıymdastyrylǵan «Igi ister marafony» jalpyulttyq jobasy aıasynda Jańaózen qalasynda múmkindigi shekteýli balalarǵa arnalǵan «Bala­qaı» ońaltý ortalyǵy paıdalanýǵa berildi.

Mekemeniń ashylýyna «Qaz­Mu­naıGaz» UK» AQ Basqarma tóraǵa­sy Alık Aıdarbaev, «О́zen­­munaıgaz» AQ Bas dırek­to­ry Esen О́teev, Samruk-Kazyna Trust qorynyń ókilderi, son­daı-aq erekshe qajettilikteri bar balalardyń ata-analary qa­tys­ty.

Ortalyq keshendi ońaltý qyz­me­tin kórsetedi. Oǵan 9 qyzmet kiredi: emdik dene shynyqtyrý, gıdroterapııa, fızıoterapııa, massaj, ıppoterapııa, sondaı-aq psıhologııalyq-pedagogıkalyq túzetý jáne basqalar. Zamanaýı qon­dyr­ǵy­lar­men qamtamasyz etil­gen ońaltý orta­lyǵynda sáý­le­li terapııa, magnıt, ýltra­­dy­bystyq apparat túr­le­rimen qam­­tylǵan 11 arnaıy kabınet bar.

Ortalyqty qurý ótken jyly «Mu­naı­shy qamqory» qo­ǵam­dyq qory men Samruk-Kazyna Trust damytý qory arasyn­daǵy qaıyrymdylyq jasaý ba­ǵy­tyn­da qol qoıylǵan ekijaq­ty keli­simshart negizinde júzege asy­ryldy. Ońaltý ortalyǵyn qural-jabdyqpen qamtyp, bilikti mamandardy jumysqa orna­las­ty­rýǵa múmkindik týdy. Jańa me­kemege Jańaózen qalasynyń 15 bilikti mamany jumysqa ornalastyryldy.

Jobanyń bastamashysy – «Mu­naıshy qamqory» QQ, al onyń quryltaıshylary – «О́zen­munaıgaz» AQ qyzmet­ker­leri. Jobany júze­ge asyrý aıasyn­da kompanııa R.О́tesinov atyn­daǵy dene shynyqtyrý-saýyq­ty­rý ortalyǵynyń baza­synan oryn bólip, jóndeý ju­mys­taryn júrgizdi. Aıta ketý kerek, ortalyqtyń ákimshilik shy­­­ǵyn­daryn óteýdiń jyl sa­ıyn­ǵy bıýdjeti joba ákimshisi «О́zen­mu­naı­gaz» AQ men onyń 9 myń­­nan astam jumyskeriniń erikti jar­nalarynyń esebinen qura­la­tyn bolady.

«Ortalyq jylyna serebraldy sal aýrýy, aýtıstik spek­tr­diń buzylýy, psıhıkalyq da­mý­­dyń tejelýi, gemıparez, neıro-ortopedııalyq aýrýlar jáne basqa da erekshelikteri bar 600-ge jýyq balany tegin qabyl­daıtyn bolady», deıdi «Munaıshy qamqory» QQ ókili Keldibaı Sanzybaev.

Al Samruk-Kazyna Trust qory­nyń resmı ókili – Korpora­tıv­­tik qyzmettiń basshysy Mıras Irgebaev: Samruk-Kazyna Trust qory da bul jobany qol­dap, qa­jetti jabdyqtardy, ­onyń ishin­­de júrý daǵdylaryn qal­­­­­py­na keltirý úshin Mercury Med ońaltý keshenin, balans pato­logııasyn dıagnostıkalaýǵa ar­nal­ǵan «Bıokınekt» keshenin, ergoterapııaǵa arnalǵan trena­jer­­lerdi, magnıttik jáne fı­zıo­­­­terapııaǵa arnalǵan appa­rat­­­tar­dy, barlyǵy 40 mln teń­ge­ge 25 jabdyqty satyp aldy», dedi.

Jergilikti turǵyndarǵa, ási­rese den­saýlyǵynda aqaýy bar balalarǵa endi Nur-Sultan qala­sy­na ózge de alys qalalarǵa qatynamaı-aq, Jańaózendegi or­ta­­lyqta em-dom alýǵa múmkin­dik týdy.

– Balamnyń 3 jasynda bo­ıynda aýtızm bar ekenin bil­dik. Talaı jerge aparyp kór­settim. Tıisti em-dom jasaıtyn ortalyqtyń óz aýmaǵymyzda bolǵany, árıne, jaqsy. Endi osy jerge kelip qaralatyn bolamyz. Paıdasy bolatynyna senemin, – deıdi Farıza Shortanova.

Al eki jasar Berdiǵalı Al­tyn­­bek­tiń anasy Bııalaı Dúris­baeva:

– Bizdiń qalamyzda osyndaı zamanaýı ońaltý ortalyǵy paıda bolǵanyna óte qýanyshtymyn. Meniń ulymnyń serebraldy sal aýrýy bar jáne bizge únemi ońal­týdan ótip otyrý qajet. Munda bizge kómektese alatyn bi­likti mamandar, jańa jab­dyq­tar, trenajerler bar. Ata-analar atynan osy orta­lyq­ty ashýǵa kómek­tes­ken­der­diń barlyǵyna alǵys aıtamyn, – dedi.

Qazirgi tańda Jańaózen qala­syn­da psıhonevrologııalyq aýyt­qýy bar, tirek qımyl ap­pa­raty buzylǵan, sal aýrýy­men aýyratyn 1032 bala tir­kel­gen. Jańa or­talyq bala­lar­dyń ıgiligine qyz­met etip, densaýlyqtarynyń qa­lypqa kelýine sep bolyp jatsa, quba-qup.

 

Mańǵystaý oblysy

 

Sońǵy jańalyqtar

Uqsas jańalyqtar