Búgin Qazaqstan Respýblıkasy Prezıdenti Ákimshiliginiń jáne Taraz qalalyq máslıhat depýtattarynyń kelisimi negizinde Jambyl oblysy ákiminiń ókimimen osy ýaqytqa deıin oblys ákiminiń orynbasary qyzmetin atqaryp kelgen Erjan Jylqybaev Taraz qalasynyń ákimi bolyp taǵaıyndaldy.
О́ńir basshysy osy ýaqytqa deıin qalany basqaryp kelgen Aıtqazy Qarabalaevtyń atqarǵan jumysyna rahmet aıta kelip, Taraz oblys ortalyǵy bolǵannan keıin onyń damýy aımaqtyń damýyna tikeleı baılanysty ekenin atap ótti. «Erjan Jylqybaev biraz jerde qyzmet atqardy, synnan ótti. Tarazdyń damýyna bar tájirıbesin salady dep senemin. Eń bastysy, birigip jumys isteý kerek. Taraz – mádenı, týrızm ordasy bolýy kerek. Byltyrǵy jyly Qordaıǵa kóp kóńil bólinse, bıyl Tarazǵa erekshe nazar aýdarylmaq. Halyqtyń jaǵdaıyn jaqsartý, áleýmettik nysandar salý, ınfraqurylymdy damytýǵa, qalanyń kelbetin jaqsartýǵa kóńil bólinedi», dedi Berdibek Saparbaev. О́z sózinde Aıtqazy Qarabalaev Taraz jurtshylyǵyna alǵys bildirdi. Al jańa taǵaıyndalǵan ákim Erjan Jylqybaev ózine artylǵan senimdi aqtaıtynyn aıtyp, ýáde berdi.
