Qoǵam • 24 Naýryz, 2021

Nemeremen baılanys áıelderdiń ómirin uzartady eken

1273 ret kórsetildi

Ǵasyrlar tezinen ótken qazaqtyń otbasylyq ınstıtýty qundylyqtaryna batys elderi endi den qoıa bastaǵandaı. Biraq bizge qarapaıym bolyp kóringen tasqa basylmasa da sanamyzda mórlenip qalǵan zańdylyqtardan batys elderi habarsyz tárizdi. Sebebi Recreo Viral  basylymy naýryz aıyndaǵy shyǵarylymynda jasy jetpisti alqymdap qalǵan áıelderge «nemerelerińizdi kútýden sharshamańyzdar, bul tek kóterińki kóńil-kúı ǵana emes, densaýlyqtaryńyzdy jaqsartyp, ómirlerińizdi 10 jylǵa uzartady» dep aqylyn  aıtypty, dep jazady Egemen.kz.    

Evolution and Human Behavior jýrnalynda jarııalanǵan zertteý Berlınde turatyn 70 jáne odan joǵary jastaǵy 500 adam týraly málimetterdi zerttedi. Nemerelerin baqqan ata men áje qaramaǵanǵa qaraǵanda 20 jyl uzaq ómir súrdi degen qorytyndy jasaldy.

Zertteýge  olardyń jalpy bilimi men tárbıesi úshin barlyq jaýapkershilikti óz moınyna alǵan adamdar emes, anda-sanda nemerelerine qamqorlyq jasaıtyn atalar men ájeler qatysqanyn atap ótý mańyzdy. Doktor Ronan Faktordyń aıtýy boıynsha balalarǵa kútim jasaý men stressti tómendetý arasynda baılanys bar, sondyqtan balalarǵa qamqorlyq jasaý jáne olarmen oınaý atalar men ájelerdiń densaýlyǵyn saqtaýǵa kómektesedi.

Sońǵy zertteý qorytyndysyn kópshilikke jetkizýge asyqqan basylym «Qarttar men balalar arasyndaǵy dostyq jáne súıispenshilik qarym-qatynas eresekterge tek fızıkalyq belsendilikke ǵana emes, sonymen birge baqytty bolýǵa múmkindik beredi» dep túıindepti zertteýin. Muny oqyp, «bulaı jazbasań Batys bolarmysyń» degen oıymyzdy jasyra almaı otyrmyn.

Bizdiń elde tek nemeresin uzatyp, shóberesin jetildirip, shópshegin súıip otyrǵan ájelerimiz jetedi. Joǵarydaǵy zertteýdi júrgizgen basylym muny estise,  úsh urpaqtyń ókili birge turatyn,  úsh urpaqtan taraǵan kemi 100 bala bólenip ósken qazaqtyń qasıetti besigi jaıly estise, qazaq otbasylary úshin jeke-dara zertteý júrgizip, baqytty ómirdiń, uzaq ómir súrýdiń formýlasyn basqasha túzýge  keletin shyǵar.     

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar