Búginde óńirde epıdemııalyq jaǵdaı turaqty. Sońǵy táýlikte Túrkistan oblysynda 6 adamda COVID-19 indeti rastalǵan. Táýliktik ósim – 0.16%. Jalpy oblysta pandemııa beleń alǵaly 574 400 PTR- synamalary alynǵan. Oblystyq qoǵamdyq densaýlyq basqarmasynyń basshysy Marat Pashımovtyń baıandaýynsha, sońǵy táýlikte zerthanalarda 2758 adam tekserilgen. Juqpaly aýrýlar aýrýhanasynda barlyǵy 610 oryn bar, olardyń 478-i bos. Oblystaǵy mekemelerde 8 ottegi stansııasy, 400 О́JJ apparaty, myńnan asa ottegi apparaty bar. Eki aıǵa jetetin dári-dármek qory jasaqtalǵan, 40-tan astam dári qoımasy, 800-deı dárihana jumys isteıdi.
Aıta ketelik, óńirde jalpy 23429 medısına qyzmetkeri bar. Onyń 5000-nan astamy dáriger, qalǵandary orta býyn mamandary. Aq halatty jandardyń minsiz qyzmeti arqasynda óńirde qaýipti indetti juqtyrǵan 4292 naýqas tolyq jazylyp shyqqan. Jalpy, pandemııa bastalǵaly COVID-19 ınfeksııasy rastalǵan 4445 jaǵdaı tirkelgen. Olardyń 2849-da aýrý sımptomsyz ótken.
Túrkistan oblysy
