«Qarqyndy damyp kele jatqan qalada áleýmettik nysandardy belsendi túrde salý qajet. Onyń ishinde oqý oryndary da bar. Elordamyzdyń barlyq aýdandarynda mektep salý boıynsha naqty jumystar júrgizip jatyrmyz.
Birqatar oqý oryndarynyń qurylys barysymen tanystym. Mysaly, jańa vokzal salynyp jatqan aýdanǵa (Almaty aýdany) mektep qajet bolatyn – onda MJÁ sheńberinde úlken orta bilim berý ǵımaratyn salyp jatyrmyz. Eki aýysymda 4 myńǵa jýyq oqýshy oqıdy. Sondaı-aq, Esil aýdanynda (Buhar Jyraý kóshesi jáne №38, Nova City aýdany) mektep qurylysynyń barysymen tanystym. Ondada eki aýysymda 4 myń oqýshy oqıdy.
Mektepterdi qalanyń basqa aýdandarynda da salyp jatyrmyz. Bıyl 16 mektep salýdy josparlap otyrmyz. Bul tek osy jyldyń ózinde 40 myńnan astam oqýshylardy oqýmen qamtýǵa múmkindik beredi. О́tken jylmen salystyrǵanda oqýshy oryndarynyń sany 2 ese, al 2019 jylmen salystyrǵanda 4 ese artty.
Mektepter qajettilik bar, halyq tyǵyz ornalasqan aýdandarda salynady. Bul úsh aýysymdy oqytý, tyǵyzdalǵan rejımi bar mektepter sanyn aıtarlyqtaı qysqartýǵa múmkindik beredi. Mektep qurylysyna da jeke ınvestısııa tartamyz. Investısııalyq keńesterde 30-dan astam jeke menshik mektep qurylysy qoldandy.
Qurylys sapasy, abattandyrý, mektepterge kirme joldardy qamtamasyz etýmen qatar, mektepterdiń materıaldyq-tehnıkalyq jabdyqtalýyna, bilikti kadrlar daıarlaýǵa erekshe nazar aýdarýdy tapsyrdym. Bizdiń tarapymyzdan jasalatyn jaǵdaılar balalarǵa sapaly bilim berýge kómektesedi», dep jazdy elorda ákimi.
