Álem • 29 Naýryz, 2021

COVID-19: Álemdegi ahýal turaqsyz

42 ret kórsetildi

Maýsym aıynyń sońyna deıin Ulybrıtanııanyń búkil álemmen kólik baılanysyn qalpyna keltirýi ekitalaı. Shetelde demalǵysy keletin brıtandyqtarǵa tamyz aıyna deıin mundaı múmkindik bolmaýy múmkin.

Al Ulybrıtanııadaǵy kelýshilerge keletin bolsaq, olar 10 kúndik oqshaýlaný jáne 210 fýnt sterlıng turatyn eki PTR testinen ótýleri kerek.

Chernogorııadan, Soltústik Makedonııa Respýblıkasynan jáne Bosnııa men Gersegovınadan myńdaǵan adamdar Serbııaǵa koronavırýsqa qarsy ekpe alý úshin kelgen. Buǵan deıin Serbııa bıligi sheteldikterge 27 jáne 28 naýryzda aqysyz ekpeden ótýdi usynǵan. Bastama úlken rezonans týdyryp otyr.

Anglııada 29 naýryzdan bastap eki otbasydan alty adamǵa deıin ashyq aýada kezdesýlerge ruqsat etildi, ashyq basseınder men sport alańdary ashyldy. Bul rette bılik turǵyndarǵa shuǵyl qajettilik bolmasa alys saparlardan aýlaq bolýǵa shaqyrýda.

Chılı prezıdenti Sebastıan Pınera indettiń órshýine baılanysty Konstıtýsııalyq konvensııa múshelerin saılaý boıynsha daýys berýdi mamyrdyń ortasyna aýystyrýdy usyndy.

Chehııanyń Brno qalasyndaǵy zerthana mamandary indetti juqtyrǵan naýqastardyń synamalaryn taldaý arqyly koronavırýstyń jańa mýtasııasyn anyqtaǵan. Modıfıkasııa peplomerlerge - vırýstyq bólshektiń qabyǵyndaǵy shybyqtarynda oryn alǵan.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar