«Tórtinshi toqsan 1 sáýirden bastalyp, 25 mamyrǵa deıin jalǵasatyn bolady. Qaladaǵy karantınniń kúsheıtilýin baılanysty qalanyń barlyq mektepteri menshik nysanyna qaramastan qashyqtan oqıtyn bolady. Mektep bitirýshi 9,11-synyptarda oqytý aralas formatta: pánderdiń 70%-y dástúrli formatta, 30%-y qashyqtan ótedi. Synypta 15 baladan artyq oqýshy bolmaýy kerek jáne ata-analardyń ótinishteri boıynsha uıymdastyrylady», dep atap ótti Nur-Sultan qalasy Bilim basqarmasy basshysynyń orynbasary Baǵlan Smataeva.
Baǵlan Smataevanyń aıtýynsha, 10 naýryzdan bastap Táýelsizdik saraıynyń bazasynda Ulttyq biryńǵaı testileý ótýde.
«Búgingi tańda 7 567 oqýshynyń 490-y testileýden ótti. UBT maýsym aıynyń sońyna deıin jalǵasady. 9-synyp oqýshylary úshin qorytyndy attestattaý 28 mamyr – 7 maýsym aralyǵynda 3 pánnen: qazaq, orys jáne ana tilderi, ulttyq mekteptegi qazaq jáne orys tili men ádebıeti, matematıka, algebra boıynsha Bilim jáne ǵylym mınıstrliginiń usynymdaryna sáıkes jazbasha nusqada ótetinin atap ótemiz. Al 11-synyp oqýshylary úshin 1-10 maýsym aralyǵynda qazaq, orys jáne ana tilderi, algebra jáne analız bastamalary pánderinen jazbasha túrde, Qazaqstan tarıhy, qazaq jáne orys tilderi testileý túrinde ótedi. 9, 10, 11, 12 – syyptardyń bilim alýshylaryn qaıta attestattaý 11-20 maýsym aralyǵynda ótedi», deıdi ol.
