Injenerlik-tehnıkalyq mamandyqtar boıynsha joǵary bilim beretin álemniń kóptegen sport korporasııalarynyń ǵylymı-zertteý zerthanalary ornalasqan oqý orny «QS World University Rankings 2017» reıtıngindegi ýnıversıtet.
Lafboro ýnıversıtetinde Gleb elimizde úlken suranysqa ıe sport ǵylymyn ıgeretin bolady. Sport ǵylymy dene shynyqtyrý jattyǵýlaryn jasaý kezinde dene qalaı jumys isteıtinin, sporttyq jattyǵýlar arqyly densaýlyqty nyǵaıtý máselelerin, adam aǵzasynyń múmkindikterin zertteıdi. Glebtiń sport ǵylymyn tańdaýdaǵy sheshimi júzý, velojarys jáne júgirýdi biriktiretin mýltısporttyq jarys – trıatlonmen áýestenýine baılanysty. Sonymen qatar júgirý, velosıped aıdaý, shańǵy tebý sııaqty úsh sıkldyq sport túrinen turatyn qysqy trıatlonnyń da ózindik ereksheligi bar.
Gleb trıatlonmen osydan úsh jyl buryn aınalysa bastaǵan. 12-20 saǵatqa deıin alty kún boıy jattyǵý alańynda júretin sportshy qysqy trıatlonǵa qatysyp, Nazarbaev ýnıversıteti ashylýynyń on jyldyǵyna oraı ótkizgen oıyndarda jeńiske jetken. «Trıatlon meniń ómirimdi túbegeıli ózgertti desem bolady, sondyqtan men keleshegimdi sportpen baılanystyrýdy jón kórdim. Sport ǵylymyn tańdap, ýnıversıtette sıkldik sport túrlerinde zertteýler júrgizýdi oqyp úırenetin bolamyn. Qazir men Nomad klýbynda jattyǵyp júrmin. Osy jazda Lanzerot aralynda ótetin jarystarǵa qyzý daıyndalýdamyn. Bul álemdegi eń qıyn starttardyń biri bolyp sanalady: jel, aptap ystyq jáne 2500 metr bıiktikke kóterilý sportshylar úshin aýyr syn. Trıatlon adamnyń bar múmkindikterin ashady, shydamdy bolýǵa úıretedi. Márege jetkende boıyńdy bıleıtin sezimderdi sózben jetkizý múmkin emes. Trıatlon maǵan ózimdi tanýǵa jáne búkil álemde jańa dostar tabýǵa kómektesti. Zııatkerlik mektepte meńgergen aǵylshyn tili jańa dostar tabýǵa yqpal etti. Meniń mektebim maǵan keremet keleshekke jol ashyp, bolashaqqa úlken qadam jasaý múmkindikterin usynǵanyna qýanamyn, – deıdi Gleb Valıahmetov.
