Jańa kásiporyndarda avtoklavty gazobeton, medısınalyq maqsattaǵy dıagnostıkalyq testter, tabıǵı tastan jasalǵan buıymdar, salqyndatqysh suıyqtyqtar, úlken dıametrli bolat dánekerlengen qubyrlar, elektrotehnıkalyq buıymdar, ınjenerlik santehnıka jáne jylytý jabdyqtary, ortasha voltti jıyntyq taratý qurylǵylary shyǵarylatyn bolady. Qazirgi ýaqytta bólingen jer telimderinde qurylys-montajdaý jumystary júrgizilýde. Kompanııalardyń birqatary ǵımarattardy ishki árleý, ónerkásiptik jabdyqtardy jetkizý jáne aýmaqty abattandyrý boıynsha jumystarǵa kiristi.
Bıylǵy jyly sonymen birge Indýstrııalyq aımaqta shaǵyn jáne orta bıznes nysandary úshin 22 myń sharshy metr óndiristik oryndar paıdalanýǵa berilip, 4 shaǵyn ónerkásiptik parkti iske qosý josparlanýda. Ol mańda 850-den astam jańa jumys orny ashylady. Investısııanyń jalpy kólemi 3,2 mlrd teńge. Shaǵyn ónerkásiptik parkterge taý-ken óndirý, jıhaz jáne jeńil ónerkásip salasyndaǵy shaǵyn kásiporyndar tartylatyn bolady.
2025 jylǵa deıin ındýstrııalyq aımaqta jalpy ınvestısııa somasy 81,1 mlrd teńge bolatyn, 3 myńnan astam ornymen qamtamasyz etetin 29 jobany iske asyrý josparlanǵan. Qazirgi ýaqytta ınvestorlar jobalardy iske qosýǵa baılanysty qujat rásimdeý jumystarymen aınalysýda.
Qazirgi jaǵdaı boıynsha Almatynyń ındýstrııalyq aımaǵy aýmaǵynyń jalpy aýdany 490 gektar. Onyń 326 gektary paıdaly aýmaqqa jatady. Infraqurylymdy aýdannyń kólemi 164 ga. Búgingi tańda jalpy somasy 75 mlrd teńgeni quraıtyn «BRB APK», «Almapack», «DOC Co.LTD», «TOKYO ROPE ALMATY», «KMK Investment» - birinshi jáne ekinshi kezeńder, «KazTigerTape», «ENKO», «ASSET», «Tehnovıd», «MPZ Bıjan», «DorHan-Almaty», «Almerek», «Hyundai Trans Kazakhstan» sııaqty 14 joba iske qosylǵan. Munda eki myńnan astam jumys ornymen qamtylǵan. Búgingi tańda Almaty ındýstrııalyq aımaǵyna qatysýshy kompanııalar 99,6 mlrd teńgeniń ónimin óndirýde.
