Ár jeksenbi qoǵamdyq kóliktiń jumysy toqtatylady. Avtobýstar men avtoparkterde arnaıy zalalsyzdandyratyn eritindimen aýqymdy dezınfeksııalyq jumystar júrgiziledi.
«Kún saıyn óz aýysymynan keıin ár avtobýs kásiporyn aýmaǵyndaǵy jýý ornyna kirgiziledi. Qazirgi ýaqytta kólik jýylatyn eki oryn bar. Aldymen syrty jýylady, sodan keıin baryp avtobýs ishi dezınfeksııalanady. Dezınfeksııa kún saıyn, túrli eritindiler qosylyp jasalady. Bul eritindi emhanalarda, aýrýhanalarda, mektepke deıingi mekemelerde, mektepterde, sol sııaqty qoǵamdyq kólikterde qoldanylady», deıdi №1 avtobýs parkiniń bas ınjeneri Baýytjan Tileýbergen.
Turǵyndardy koronavırýstan saqtaý úshin avtobýs salondarynda antıseptıkter ornatylǵan. Kólik júrgizýshileri men qyzmetkerleri jeke qorǵanys quraldaryn taǵyp júredi.
Eske sala keteıik, elordadaǵy qoǵamdyq kólikte jolaýshylar mindetti túrde betperde taǵýy kerek.
