Otandastarymyz bıyl 1171 satyp alý shartyn jasasqan. Bul byltyrǵy jalpy sannan 2,8 paıyz joǵary. Sondaı-aq otandastarymyzdyń arasynda jıi Soltústik Kıpr men Grýzııadan páter alatyndar kóbeıgen.
Osy oraıda elimizdegi jyljymaıtyn múlik jónindegi sarapshylar shetelden úı alyp jatqan qazaqstandyqtardyń kóbeıip jatqanyn alǵa tartady. EXANTE ınvestısııalyq kompanııasynyń sarapshysy Andreı Chebotarevtiń pikirinshe, úıdiń baǵasy arzan bolǵan soń ǵana alyp jatqan joq. Onyń taǵy bir sebebi − kúnkóris maqsatynda ınvestısııaǵa salyp otyrý.
«Iá, shetelde turý úshin baspana satyp alatyn adamdar bar. Bul olardyń jalǵyz baspanasy bolady, ıaǵnı kóship ketedi. Qazaqstannan ketýdi josparlamaıtyn, biraq shet memleketten úı satyp alyp qoıatyndar da bar. Ádette olar demalý úshin nemese jalǵa berý, qaıta satý jáne aqsha tabý úshin ınvestısııa retinde alady», dedi sarapshy.
