Islam baǵy negizinde salynǵan erekshe saıabaqta 200 túp sakýra, jalpy álemde sırek kezdesetin myńǵa jýyq aǵash egilgen. Demalys aımaǵyndaǵy myńdaǵan qyzǵylt, kúlgin, aq túske boıalǵan shıe aǵashtary da gúldeı bastady.
Botanıkalyq baqta Germanııadan arnaıy ákelingen aǵash pen gúlderdiń 50-den astam túri otyrǵyzylǵan. Olardyń ishinde sándik jemis aǵashtary men kúlgin tústi kúl, katalpa, dolana, kashtan, terek, tut aǵashtary, úıeńki, raýshan gúli men qyzǵaldaqtyń san alýan túrleri bar. Demalys aýmaǵy bıiktigi 1 metrden aspaıtyn myńǵa jýyq erekshe dızaındy jaryqshamdarmen jaryqtandyrylǵan. Dekoratıvti sý arnalary men sýburqaqtar salynǵan. Qaladaǵy jańa saıabaqtar men demalys oryndaryn aralaǵan oblys ákimi О́mirzaq Shókeev qurylys pen jóndeý jumystaryn 10 kúnniń ishinde tolyq aıaqtaýdy mindettedi. Kógaldandyrý jumystary qarqyndy júrgizilip jatqan «Rámizder alańynda» 2 myń kóshet otyrǵyzylyp, gazon tóseledi. Sýburqaqtar, arnaıy demalys oryndary men balalar alańshalary ashylady.
Oblys ákimi qaladaǵy mádenı – rýhanı ortalyqtaǵy qurylysy aıaqtalǵan jańa ǵımarattardyń aýmaǵyna jolaıaqtardyń tóselýi tym uzaqqa sozylǵanyn synǵa alyp, moınyna alǵan mindetti sozbalańǵa salǵan fırma ókilderine syltaý izdemeı, tapsyrysty der kezinde oryndaýdy júktedi.
