Kórshi oblystardaǵy jaǵdaı oılandyrady

О́zin ǵana emes, aınala­syn­da­ǵylar men jaqynyn oılaǵan Túrkistan oblysynyń 21 myńnan astam azamaty ekpe qabyldady. Olardyń basym bóligi, ıaǵnı 14 myńǵa jýyǵy medısına qyzmetkeri, 5 myń­nan astamy muǵalim bolsa, myń­ǵa jýyǵy quqyq qorǵaý organ­dary jáne jarty myńdaı ár­túrli toptaǵy azamattar. Bul aıda ekpe saldyrýǵa nıet bil­dirgenderdiń sany artyp otyr. Oblystyq qoǵamdyq densaýlyq basqarmasynyń habar­laýynsha, ekpe qabyl­da­ǵandar dárigerlerdiń ba­qy­laýynda. Al ekinshi kompo­nent­pen 10 myńǵa jýyq azamat vaksına alypty. Infeksııaǵa qarsy vaksınalaý jumystary 65 emdeý mekemesinde júr­gi­zilýde. Sońǵy táýlikte Túr­kis­tan oblysynda 19 adamda COVID-19 indeti anyqtalǵan. Jalpy oblysta pandemııa beleń alǵaly 600 myńǵa jýyq PTR-synamalary alynǵan. Sońǵy táýlikte zerthanalarda 3 myńdaı adam tekserilgen. Juqpaly aýrýlar aýrýhanasynda barlyǵy 610 oryn bar.

Jyl basynan beri koronavırýs ınfeksııasynyń rastalǵan 800-den astam jaǵdaıy tirkeldi. Jalpy oblysta koronavırýsty ınfeksııadan 4500-den astam jaǵdaı rastalyp, jyl basynan beri 625 pnevmonııa aýrýshańdyǵy tirkelgen. Sońǵy eki aptada koronavırýs – 36%, pnevmonııa 54%-ǵa ósken. «О́zge oblystardaǵy jaǵdaıdyń kúrdelenýine baılanys­­ty koronavırýs jáne pnevmonııa juqpaly aýrýlaryna shaldyǵýdan barynsha saqtanǵan jón. Al saqtanýdyń birden-bir joly – vaksına qabyldaý. Turǵyndar arasynda otbasylyq, merekelik is-sharalardy uıymdastyrý tolastamaı tur. 2021 jyldyń qańtar aıynan bas­tap, tyıym salynǵan 192 merekelik is-sha­ra uıymdastyrylǵany bel­­gili boldy», deıdi oblys­tyń bas mem­­le­­kettik sanıta­r­lyq dári­geri Nurbek Nyshanov.

Aımaqta búginde jalpy 23 myńnan asa medısına qyzmetkeri bar. Onyń 5 myń­nan astamy – dáriger, qal­ǵan­da­ry orta býyn mamandary. Aq halatty jandardyń eren eńbeginiń arqasynda óńirde qaýipti indetti juqtyrǵan 4500-ge jýyq naýqas tolyq ja­zylyp shyqty. Aıta kete­lik, dárigerler indetpen kúre­sý­men qatar basqa da aýrýlardy emdeýdi nazarynan tys qaldyrǵan joq. Mysaly, jýyrda oblystyq klınıkalyq aýrýhanasynyń dárigerleri aýyr halde jetkizilgen 23 jas­taǵy júkti áıelge bir mezette eki ota jasady. Ana men náresteniń ómirin aman alyp qalý úshin aldymen ony kesar tiligimen bosandyryp alǵan. Keıin sol jaq ba­ýyryn qurt­tan laparotomııa ádisi arqyly tazalaǵan. «Ota shu­ǵyl dıagnostıkalyq, labo­ra­­torııalyq jáne salalyq dári­ger­lerdiń tekserýinen soń jasalyndy. Ehınokokty kıstasy jarylý qaýpinen ana men bala ómiri qyl ústin­de turǵan. Qazir sábı men ananyń ómirine qaýip tónip turǵan joq», deıdi hırýrgııa bóliminiń meńgerýshisi Maqsut Aımaǵanbetov. Al №3 oblystyq perınataldyq ortalyǵynyń dári­gerleri nebári 1,5 kılo salmaqpen týylǵan úshemdi 40 kún boıy kútip, jetildirip baryp, perzenthanadan shyǵardy. Dári­ger­lerdiń aıtýynsha, júk­tiliktiń 32-shi aptasynda áıel­ge jedel ota jasaýǵa týra kelgen. Alǵash ret ana atan­ǵan Dınara Mýhıtovanyń ja­qyn­dary sábılerge Hadı­sha, Fatıma, Zahra esim­de­rin bergen. Dárigerler aman alyp qalǵan úsh qyz mer­zi­mi­nen buryn dúnıege kelip, bir apta boıy jansaqtaý bóli­minde jatqan. О́kpesi durys damymaı týylǵan náres­te­ler­diń úsheýi birdeı jasandy tynys alý apparatyna qosylǵan. Dárigerlerdiń qa­tań baqylaýynda bolǵan ná­res­te­ler­diń árqaısysy osy ýaqyt ishinde bir kılodan salmaq qosqan. Jas otbasy Kentaý qalasyna qarasty Qarashyq aýylynyń turǵyndary. Aıta ke­telik, oblystyq perı­na­tal­dyq ortalyǵynda jyl basynan beri 2 652 náreste dúnıege kelgen.

Túrkistan oblysy