Zerthana bazasynda kosmonavtıkaǵa erekshe qyzyǵýshylyq tanytyp, bolashaǵyn avıasııa men astronavtıkamen baılanystyrǵysy keletin 7-10 synyptyń 70-ten asa oqýshysy arnaıy «NIS Space» kýrsyn ótedi.
«NIS Space» oqýshylardy kosmonavtıka salasyndaǵy sońǵy jańalyqtarmen tanystyrýmen ǵana shektelmeıdi, zerthanada jas zııatkerler ózderiniń ǵaryshtyq ushý apparatyn qurastyratyn bolady.
Mektep dırektory Meıram Jákenovtyń aıtýynsha, qazir Zııatkerlik mektepte kosmonavtıkany keńinen nasıhattaý jáne oqýshylar arasynda ǵylymı-tehnıkalyq bilimniń tartymdylyǵyn arttyrý maqsatynda jańa, óte qyzyqty bilim berý jobasy júzege asyrylýda. Jobanyń ǵylymı jetekshisi - Halyq qaharmany, Qazaqstannyń Áskerı-áýe kúshteriniń general-maıory, ǵaryshker Aıdyn Aıymbetov.
Qazirgi ýaqytta «Qazaqstan Ǵarysh Sapary» Ulttyq kompanııasymen yntymaqtastyq týraly memorandýmǵa qol qoıylǵan. Respýblıkanyń ǵarysh salasynyń jetekshi mamandary, ǵalymdar men sarapshylar Zııatkerlik mektep oqýshylaryna óz ǵarysh apparatyn qurastyrýǵa jaǵdaı jasap, eń jańa ǵaryshtyq tehnologııalar qalaı jumys isteıtinin túsinýge kómektesetin bolady. Mektep dırektory atap ótkendeı, PocketQube nemese femto – satellite sııaqty shaǵyn ushý apparattaryn qurastyrý Zııatkerlik mektep oqýshylaryna ǵaryshtyq tehnıkany jasaýdyń óndiristik kezeńderi týraly bilim alyp, ǵarysh salasynda naqty zertteýlerge qatysýǵa múmkindik beredi.
Joba baǵdarlamasy boıynsha qatysýshylar úsh baǵytta: «Ǵarysh mehanıkasy», «Elektronıka» jáne «Baǵdarlamalaý» toptarynda teorııalyq bilimderin tereńdetedi.
Mektep oqýshylary «Qazaqstan Ǵarysh Sapary» Ulttyq kompanııasyna qarasty, ǵarysh apparattaryn qurastyrý jáne synaýmen aınalysatyn «Ghalam» JShS qyzmetkerleriniń basshylyǵymen jumys isteıdi. Jas zııatkerler ǵalym aǵalarynyń kómegimen Solidworks jáne Altium Designer biryńǵaı dızaın ortasynyń baǵdarlamalyq ónimderin jáne Python baǵdarlamalaý tilin meńgeredi, zerthanalyq jumystar men praktıkýmdar oryndaıdy, Ulttyq ǵarysh ortalyǵynyń zerthanalarynda sheberlik synyptaryna qatysady.
«Elektronıka» bólimi boıynsha sabaqtardy R&D departamentiniń ınjener mamany Arman Bazarbaıuly Syzdyqov júrgizedi. Oljas Tasqoja men Erbol Sarsembaev - «Ghalam» JShS qurastyrýshy-tehnologııalyq bıýro mamandary jas zııatkerlerdi programmalaý tiline úıretedi.
Balalar fızıka-matematıka ǵylymdarynyń doktory, professor Q.S.Baqtybekovtyń jetekshiligimen ǵarysh mehanıkasy men astrodınamıka negizderimen tanysady. Qazbek Súleımenuly – ǵarysh apparattaryn jobalaý jáne qurastyrý jumystaryn júrgizetin «Ǵalamattaǵy» tehnologııalyq bıýronyń ǵylymı jetekshisi.
Bıylǵy jyly oqýshylar shaǵyn ǵarysh apparatynyń maketi boıynsha jobalaý jumystaryn bastaıdy, raketanyń negizgi elementterin 3D prınterde basyp shyǵarady. Kelesi kezeńde apparatty qurastyrýǵa kirisip, ishki júıelerdi ázirleıdi, ǵarysh kemesin elektronıka men borttyq baǵdarlamalarmen jabdyqtaıdy.
Jumystyń eń mańyzdy sheshýshi kezeńi – ǵarysh apparatyn synaqtan ótkizý. Ushý nysanyna áser etetin ártúrli mehanıkalyq júktemeler negizinde jas zııatkerler alǵashqy zertteýlerin júrgizedi.
NIS ǵarysh kemesin ushyrý 2023 jylǵa josparlanǵan. Oqýshylar tolyǵymen ózderi basqaratyn basqarý kesheni men derekterdi qabyldaý ortalyǵy Zııatkerlik mektep ǵımaratynda ornalasady.
Ázirge jobaǵa qatysýshy 7-10 synyp oqýshylary jańa zerthanada kóp oqyp, kóp eńbektenýde, zertteý jumystary men jobalyq jumystarmen aınalysý arqyly ózderiniń tabandylyǵy men tapqyrlyǵyn shyńdaýda.
Juldyzdarǵa ushýdy armandaıtyn Zııatkerlik mekteptiń jas ǵaryshkerleri úshin «NIS Space» zerthanasy joǵary tehnologııalardy ıgerýdiń alǵashqy qadamy.
