Tehnologııa • 14 Sáýir, 2021

Sıfrlandyrýdyń septigi tııýde

17 ret kórsetildi

Túrkistan oblysy – respýblıka boıynsha jemqorlyq deńgeıi tómen óńirlerdiń alǵashqy bestiginde. Munda ótken jyly jergilikti atqarýshy organdardyń qyzmetkerlerine qatysty tirkelgen sybaılas jemqorlyq qylmystarynyń sany 33,7% - ǵa azaıǵan.

Cybaılas jemqorlyqqa qarsy is-qımyl máseleleri jónindegi komıs­sııanyń kezekti otyrysynda oblys ákimi О́mirzaq Shókeev osyn­daı derek keltirdi. Sybaılas jem­qorlyqqa qarsy is-qımyl agent­tigi tóraǵasynyń keńesshisi Jazıra Jylqyshıeva, atalǵan agent­tiktiń Túrkistan oblysy bo­ıynsha departamentiniń basshysy Hakım Qoshqalıev, res­pýb­lıkalyq «Parasat joly» orta­lyǵynyń jetekshisi, jazýshy, qoǵam qaıratkeri Sádibek Tú­gel, oblys ákiminiń orynbasarlary jáne basqarma basshylary qatysqan jıynda oblystyq mem­lekettik organdar tarapynan sy­baılas jemqorlyqqa qarsy qabyl­danyp jatqan sharalar baıan­daldy. Sondaı-aq zańnamalyq jańa­shyldyqtar jaıynda aıtyldy.

«Zańnamadaǵy ózgeristerge sáı­kes, memlekettik organnyń bas­­shysy jemqorlyqqa baılanys­ty aldyn alý sharasyn qabyl­damasa, oǵan aıyppul salynady. Nemese memlekettik organ, kva­zı­memlekettik organ basshylary jemqorlyqtan buryn jazasy bar azamattardy jumysqa alsa,  oǵan da aıyppul salynady. Zań­syz kásipkerlikke aralasatyndar jáne syılyq beretin jeke nemese zańdy tulǵalar da aıyppul arqalaıdy. Osyndaı 15 bap bo­ıynsha ýákilettilik berdi. Jalpy sybaılas jemqorlyqtyń aldyn alýǵa baılanysty birneshe tetik bar. Taldaý, monıtorıng júrgizý kerek. Usynys berý kerek», dedi Jazıra Jaqsylyqqyzy.

«Ashyq bıýdjettiń ınteraktıvti kartasy» jobasy aıasynda Túrkis­tan oblysynda 1352 memlekettik mekemeniń barlyǵy óz bıýdjetterin jarııalaǵan. Oblys kólemindegi barlyq aýdan, qalalar men basqar­malar tarapynan sybaılas jemqor­lyq táýekelderine 280 ishki taldaý jumysy júrgizilgen. «Halyq únine qulaq asatyn memleket» tujy­rymdamasyna sáıkes bir tereze qaǵı­daty arqyly azamattardyń máselelerin kedergisiz sheshý maq­­satynda oblystaǵy barlyq 16 qala men aýdanda servıstik ákimdikter ashylǵan.  Iаǵnı óńir tolyq servıstik formatqa kóshken. Servıstik ákimdikterde turǵyn úı kezegi, aýyl sharýashylyǵy tehnı­kalaryna kórsetiletin qyz­metter, mekenjaı tirkelimi, jer qaty­nastary, áleýmettik  jáne kásipkerlikti qoldaý salalary boıynsha qyzmetter kórsetilýde. Budan bólek, búginde oblys ákiminiń tapsyrmasyna sáıkes, qala, aýdandarda halyq sany eń kóp bir aýyldyq okrýgten «Servıstik ákimdik» ashý máselesi boıynsha tıisti jumystar júrgizilýde. Aza­mattardyń barlyq syndarly saýaldaryna jedel jáne tıimdi jaýap berý maqsatynda oblys ortalyǵynda ekinshi front-ofıs, «Parasattylyq ortalyǵy» ashyldy. О́ńirde memlekettik qyzmettiń ashyqtyǵyn, qoljetimdiligin kóz­deıtin alań qurý maqsatynda «Bas­qarmalar úıinde» «Ashyq ákimdik» qurylǵan. Sondaı-aq halyqqa kedergisiz qolaıly ortany qalyptastyrý jáne memlekettik qyzmet kórsetýdiń ashyqtyǵyn qamtamasyz etý baǵytynda oblys aýmaǵynda 67 memlekettik mekeme «Oren space», 84 memlekettik mekeme front-ofıs úlgisinde jumys isteýde. Memlekettik qyz­metterdi sıfrlandyrý 93%-ǵa jetip, turmystyq jemqorlyq deń­geıin tómendetýge óz septigin tı­gizýde. Jemqorlyqpen kúresti kú­sheıtý jónindegi Mem­leket bas­shysynyń tapsyrmasy aıasyndaǵy basym baǵyttarǵa toq­talǵan О́mir­zaq Shókeev óńirlik is-sharalar jos­paryna sáıkes jáne sybaılas jemqorlyqtyń aldyn-alý maqsatynda atqarylǵan jumys­tardyń mańyzdylyǵyna toqtala kele, eń birinshi aldyn alý, túsin­dirý jumysyna kóbirek kóńil bóli­ný kerektigin aıtty.

 

Túrkistan oblysy

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar