«Sotqa deıingi tergeý aıasynda is boıynsha birqatar saraptamalyq zertteýler taǵaıyndaldy. Qorytyndyǵa sáıkes, avtobýs júrgizýshisiniń qanynda ishimdik jáne esirtki zattary tabylǵan joq. Jol-kólik oqıǵasy sebebin jáne avtobýstyń tehnıkalyq jaǵdaıyn anyqtaý úshin tıisti saraptama taǵaıyndaldy», dedi prokýratýra qyzmetkeri.
Qazirgi ýaqytta oqıǵanyń mán-jaıy anyqtalyp jatyr.
Eske salaıyq, 27 aqpanda Almaty polısııa departamenti iri jol-kólik oqıǵasynyń mán-jaıyn aıtqan edi. Vedomstvo málimetine súıensek, avtobýs júrgizýshisi kólikti basqara almaı, Hyundai Elantra avtokóligine soqtyǵysqan. Odan ári ınersııa boıynsha Seıfýllın dańǵylyndaǵy jaıaý júrginshiler jolyna shyǵyp, baǵdarsham men jaıaý júrginshilerdi qaǵyp ketti. Keıin avtobýs Volkswagen Polo markaly avtokóligimen soqtyǵysyp, saýda ortalyǵy turaǵynyń kireberisinde toqtady.
