Oblystyq mádenıet basqarmasynyń basshysy Ázimhan Qoılybaev brıfıngte óńirdegi 390 kitaphanada byltyr 3858 kópshilik is-shara uıymdastyrylyp, oǵan 230 382 oqyrman qatysqanyn atap ótti. Sondaı-aq, óńir kitaphanalary 121 686 dana jańa kitaptarmen tolyqqan. Budan bólek, «Eń kóp oqylatyn 100 kitap», «Altyn qorǵa úles qos», «Kitaphanaǵa syı» aksııalary uıymdastyrylyp, 18 090 dana kitap kitaphanalardyń qoryna syıǵa berilgen.
«Halyqqa qazirgi zaman talabyna saı qyzmet kórsetý maqsatynda, Nur Otan partııasynyń jobasyna sáıkes, birqatar aýdandar men qalalardaǵy ortalyqtandyrylǵan kitaphanalar júıesinen kovorkıng ortalyqtary ashyldy», dedi Ázimhan Serikuly.
Sondaı-aq basqarma basshysynyń málimdeýinshe, bıyl «Teatr kóktemi-2021» túrki halyqtarynyń teatr festıvali, «Túrkistanym – Turanym» túrki halyqtary sýretshileriniń sımpozıýmy, «Túrkiler tóri – Túrkistan» túrkitildes elder aqyn-jazýshylarynyń kezdesýi jáne kitap kórmesi, «Altyn saqa» túrki áleminiń anımasııalyq fılmderi, «Sálem saǵan, Túrkistan» óner festıvalderin ótkizý josparlanýda.
