Qarjy • 17 Sáýir, 2021

«Ońaltyldy» degen mártebeni 1 419 myń qazaqstandyq azamat aldy

29 ret kórsetildi

9 sáýirden bastap Qazaqstanda Qarjy naryǵyn retteý jáne damytý agenttigi engizgen qaryz alýshylardy ońaltýdyń jańa tetigi jumys isteıdi.  Búgingi kúni kredıtter boıynsha «ońaltyldy» degen mártebeni avtomatty túrde 1 419 myń azamat aldy, dep jazady Egemen.kz.

Qazaqstanda azamattardyń keıbir sanatynyń teris kredıttik tarıhy bar, ıaǵnı olardyń qaryzdar boıynsha tólem merzimi 90 kúnnen astam keshiktirilgen. Bul aqparat kredıttik bıýro júıesinde kórsetiledi. Buryn tólem merzimin keshiktirý bolǵandyqtan mundaı azamattar bankterde jáne MQU-da jańa qaryzdar alý kezinde qıyndyqtarǵa ushyraýy múmkin.

«Qarjylyq kórsetiletin qyzmetterge qoljetimdilikti qalpyna keltirý maqsatynda Agenttik teris kredıttik tarıhy bar jáne problemalyq bereshekti qaıta qurylymdaýǵa muqtaj qaryz alýshylardy ońaltý tetigin engizdi. Ońaltý tetigi qaryz alýshyǵa kredıttik bıýro júıesinde «ońaltyldy» degen mártebeni berýdi kózdeıdi. Bul mártebe azamattyń bankter jáne basqa kredıtorlar aldynda óz mindettemelerin adal oryndaýynyń rastaýy bolyp tabylady»,  dep atap ótti Agenttiktiń Qarjy uıymdarynyń ádisnamasy jáne prýdensııalyq retteý departamenti dırektorynyń orynbasary Erlan Seıilov.

Mártebeni alý úshin qandaı da bir qujattar talap etilmeıdi, rásimdi kredıttik bıýro merzimi ótken boryshty ótegennen keıin 12 aı ótken soń jáne osy kezeńde ózge de merzimi ótken bereshek bolmaǵan kezde júrgizedi.

Eger qaryz alýshynyń merzimi ótken bereshegi tolyǵymen emes, ishinara ótelse, bankter ońaltý josparyn barynsha yńǵaıly óteý kestesimen keıinnen jasaý úshin árbir osyndaı qaryz alýshymen onyń tólem jasaý qabilettiligin baǵalaý boıynsha jeke jumys júrgizedi.

«Tıisinshe, mundaı qaryz alýshylardyń «ońaltý» mártebesin alýy ońaltý josparyn oryndaǵan kezde jáne sońǵy 12 aıda ózge de merzimi ótken bereshek bolmaǵan kezde múmkin bolady. Mártebeni tekserý úshin azamattar memlekettik kredıttik bıýroǵa ótinish jasaýyna bolady. Bul qyzmet tegin kórsetiledi»,  dep qorytyndylady Erlan Seıilov.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar