Qazaqstan • 19 Sáýir, 2021

Shekarashy sarbazdar ant qabyldady

125 ret kórsetildi

18 sáýir – shekarashy jas sarbazdardyń jadynda erekshe kún retinde saqtalyp qaldy.

Sebebi kóktemniń basynda UQK Shekara qyzmetiniń sapyna alynǵan bolashaq shekarashylar Otanymyzǵa adal qyzmet etýge saltanatty túrde Ant berdi.

UQK Shekara qyzmetiniń Almaty oblysy boıynsha departamentine qarasty Qarasaı, Raıymbek, Alakól aýdany boıynsha shekara basqarmalarynyń ortalyq alańdaryna sapqa turǵan árbir sarbazdyń alystaǵy ata-ana, týǵandary men qurby-dostary da bolashaq shekarashynyń alaburtqan júzindegi tolqynysty kórip, olardyń ǵumyryndaǵy bir-aq ret bolatyn mańyzdy sáttiń kýási boldy. Bulaı degenimiz, UQK Shekara qyzmetiniń ınstagram-akaýntynda «Kóktem-2021» shaqyrylymy sarbazdarynyń Ant qabyldaý rásiminen tikeleı onlaın kórsetilim uıymdastyrylǵan bolatyn.
Biz Qarasaı aýdany boıynsha shekara basqarmasynyń Aqjar eldimekeninde ornalasqan kásibı-tehnıkalyq daıyndyq bóliminde ótken sharaǵa qatysqan edik.

1

Dál ýaqytynda bastalǵan rásim elimizdiń Týy kóterilip, Ánuranymen ashylǵan soń 400-ge sarbazdyń óz Otanyna ant berý rásimi de bastalyp júre bergen.
Sol-aq eken, aty-jónderi atalysymen, saptan shyqqan boıy «Men qatardaǵy jaýynger...» dep, sańqyldap ala jónelgen sarbazdardyń daýystary taý jaryp, tas buzatyndaı ekpindi edi...

Olardyń arasynda ózderiniń aldaǵy qyzmetterin teńiz ben ózenderde ótkizýge daıyndalyp jatqan teńizshiler de bar. Olardyń ústindegi teńiz tústes áskerı formalary da quıyp qoıǵandaı ózderine sonshalyqty jarasymdy. Olardyń jas júzderinen tolqyp turǵandary aıqyn bilinedi.

 1

Búginge deıin saptyq daıarlyqtan ótken sarbazdar munan bylaı ózderiniń shekarashylyq sheberlikterin shyńdap, el shebine qajetti mamandyqtardy ıgeretin bolady. Bul – atqysh, atbegi, shekaralyq baqylaý bólimshesiniń kishi baqylaýshysy, kınolog, aspazshy, baılanysshy, ınjener, elektr quraldarynyń sheberi sekildi týǵan jerimizdiń árbir sharshysyn kúzetýge asa qajetti mamandyqtar.

Saltanatty sharaǵa shekarashy ardagerlerdiń «Zastava tarlandary» respýblıkalyq qoǵamdyq uıymynyń Almaty qalalyq jáne oblystyq fılıaldarynyń ókilderi de qatysyp, shekara soqpaǵyna túskeli turǵan jas býynnyń aldaǵy qyzmetterine sáttilik tiledi.

 

Tamara DÁÝLETBAEVA,
UQK Shekara qyzmetiniń zapastaǵy podpolkovnıgi

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar