Álem • 20 Sáýir, 2021

Reseı Halyqaralyq ǵa­rysh stansasynan shyǵady

83 ret kórsetildi

Reseı 2025 jylǵa qa­raı Halyqaralyq ǵa­rysh stansa (HǴS) jobasynan shy­ǵatynyn habarlady. Bul týraly el premer-mınıs­triniń orynbasary Iýrıı Borısov málimdedi.

Ázirge eleýli ózgeris bolmaıdy. О́ıtkeni buǵan deıin qabyldanǵan jospar 2024 jylǵa deıin jaramdy. Sondyqtan «Roskosmos» ǵarysh stansasyn qoldanýdy jalǵastyrý boıynsha sheshimin 2024 jyldan keıin bir-aq qabyldaıtynyn jarııa etti.

Jobadan shyǵý týraly resmı málimdeme jasalǵannan keıin Reseı stansadaǵy modýlderdiń tehnıkalyq jaǵdaıyn negizge alyp jumys istemek. Ǵarysh salasyna jaýapty qurylym olardyń kóbiniń tozyǵy jetkenin de jasyrmady. Sondyqtan sońǵy úlgidegi jeke Ulttyq orbıtalyq qyzmettik stansa jobasy qolǵa alynyp otyr eken.

Iýrıı Borısovtyń aıtýynsha, málimdeme jasalǵanymen, halyqaralyq ǵarysh stansasyndaǵy jumys toqtaıdy dep sanaýǵa bolmaıdy. Tipti qazirgi ýaqytta stansany 2030 jylǵa deıin qoldaný boıynsha kelissózder de júrgizilip jatqan kórinedi.

«Roskosmostyń» bas dırektory Dmıtrıı Rogozın Reseı prezıdenti Vladımır Pýtınge atalǵan saladaǵy jumys týraly jáne Kún júıesindegi ǵalamsharlardy ıgerý boıynsha jospardy tanystyrdy.

Jalpy, Halyqaralyq ǵarysh stansasy 1998 jyldan beri qoldanylyp keledi. Jobanyń 15 qatysýshysy bar. Reseı, AQSh, Kanada, Japonııa men Eýropa ǵarysh agenttikteri – negizgi qatysýshylar. Stansa iske qosylǵaly beri onda álemniń 19 elinen 240 adam bolyp úlgergen.

Stansanyń jumysyna jyl saıyn 5 mlrd AQSh dollary kóleminde qarjy jumsalady. Onyń 4 mlrd AQSh dollaryn NASA ǵarysh agenttigi tólese, qalǵan qarjy – qatysýshy elderdiń enshisinde.

 

Sońǵy jańalyqtar

Dollar qymbattady

Qarjy • Búgin, 16:27

Aldaǵy úsh kúnde áli de aıaz saqtalady

Aýa raıy • Búgin, 13:53

Prezıdent Ulttyq bank tóraǵasyn qabyldady

Prezıdent • Búgin, 13:03

«QazMunaıGazda» kadrlyq ózgerister boldy

Taǵaıyndaý • Búgin, 12:53

Uqsas jańalyqtar