Bıylǵy úsh aıdyń qorytyndysy boıynsha elimizge ákelingen joǵarǵy táýekeldegi fıtosanıtarııalyq karantındik ónimge qarasty tekseris nátıjesinde 800-den astam zań buzýshylyq anyqtalǵan. Onyń ishinde 110 fakt karantındik obektiler retinde tirkelgen bolsa, 500-den astamynda tıisti qujattary sáıkes kelmegen nemese múldem joq bolyp shyqqan. Osyǵan qaraı, Qazaqstan jáne EAEO zańnamasynda belgilengen karantındik talaptardyń buzylýyna baılanysty eksporttaýshy elderge 8 myńnan astam tonna ónim keri qaıtaryldy. Qaıtarylýǵa jatqyzylǵan ónimniń kólemi boıynsha eksporttaýshy elder kóshin Qytaı (6022,2 tonna) men Reseı Federasııasy (1136,2 tonna) bastap tur. Odan bólek О́zbekstan (439,2 tonna), Qyrǵyzstan (307,4 tonna), Ázerbaıjan (303,6 tonna), Iran (243 tonna) jáne Túrikmenstan (212,5 tonna) elderi de bar.
Qaıtarylǵan ónimderdiń basym kópshiliginde qyzanaq, burysh jáne arpa ónimderi bolǵan. Onda qyzanaq jemisteriniń qońyr ájim vırýsy, aramsoıaý, batys gúl trıpsi, Komstok qurty jáne taǵy da basqa karantındik obektiler anyqtaldy.
Aıta ketelik, talaptardy buzǵan taraptar ákimshilik jaýapkershilikke tartylyp, 37 mln teńgege jýyq aıyppul salyndy.
