Qundylyqtardy nasıhattaıdy

Túrli formatta onlaın-semınarlar men trenıngter ótkizý arqyly front-ofıs jumysy jastarǵa konsýltasııalyq kó­mek kórsetýge baǵyttalatyny belgili boldy. «Otbasy-neke qaty­nastary máseleleri boıynsha jastarǵa jáne otbasylarǵa konsýltasııalyq qyzmet kórsetý boıynsha arnaıy ádistemelik oqýlyqtar shyǵarý josparlanýda. Nátıjesinde, otbasylyq qun­dylyqtardy nyǵaıtý, otbasyn biriktirý jáne psıhologııalyq saý qoǵamdy damytý mańyzdylyǵy týraly aqparattandyrylǵan azamattardyń sany artady»,  dedi Kamıla Súleımenova.

Jastar jáne otbasy isteri komıtetiniń tóraǵasy Shahmardan Baımanov jobanyń bastalǵanyn resmı túrde jarııalady. Ol quttyqtaý sózinde: «Jastardyń aǵartýshylyq qyzmetin áleýmettik jeliler, Yotube arnasy arqyly júrgizý jáne jobanyń barynsha kóp qatysýshylaryn qamtýǵa jáne qazaqstandyqtarǵa otbasylyq qundylyqtardy darytýǵa kúsh salý qajet», dep otbasy ınstıtý­tyn damytý men nyǵaıtýda jo­ba­nyń mańyzdylyǵyn atap ótti.

Is-sharaǵa BUU-nyń Qazaq­stan­daǵy halyqtyń qonystanýy sala­syndaǵy qorynyń (IýNFPA) atqarýshy dırektory Raıym­bek Sısemalıev qaty­syp, «Jas­óspirimder men jas­tardyń re­prodýktıvti densaý­lyǵyn qorǵaý – jas otbasy den­sa­ý­ly­ǵy­nyń mańyzdy faktor­larynyń biri» taqyrybynda baıandama jasady.

«Qazaqstan Ákeleri» res­pýb­lıkalyq ákeler qaýymdastyǵynyń tóraǵasy Amanǵos Qulov bas­pa­sóz konferensııasy barysynda otbasylyq dástúrler men ot­ba­sylyq qundylyqtardy qa­lyp­­tastyrýdaǵy erler men áke­lerdiń róli týraly aıtyp berdi.  «Otbasynyń beriktigi men turaq­ty­lyǵy kóbinese otbasynyń bas­shysyna – er adamǵa baılanysty, sondyqtan biz bilim berý mekemelerinde sanaly áke bolý taqyrybynda jastarmen jáne jasóspirimdermen is-sharalar ótkizemiz»,  dedi Amanǵos Qulov.

Qazaqstan medıatorlar qa­ýymdastyǵynyń atynan sóz alǵan Aqnur Jumabaeva «Otbasyndaǵy janjaldy jaǵdaılardy she­shý­degi medıatıvtik tehno­lo­gııalar» taqyrybynda oı qozǵady.

JANYM qoǵamdyq birles­ti­giniń atqarýshy dırektory Na­talıa Klıýjına jas jubaılarǵa, jasóspirimderge, jastarǵa neke qıǵanǵa deıin sanaly túrde er­li-zaıyptylyq taqyrybynda aǵartý jumystaryn júrgizýdiń mańyzdylyǵy týraly baıandama jasady.

Is-sharaǵa Azamattyq bastamalardy qoldaý ortalyǵynyń ókilderi, joba seriktesteri já­ne basqalar qatysty. Joba Aza­mat­tyq bastamalardy qoldaý Ortalyǵynyń qoldaýymen júzege asyrylýda.

Baǵdarlama úılestirýshisi – «EN BAQYTTY EL» qoǵamdyq qory.

Barlyq suraqtar boıynsha telefon arqyly habarlasyńyz: +7 701 642 7008, +7 701 242 70 93.