Keıingi bir aı kóleminde Merki, Jýaly jáne Sarysý aýdandarynyń ákimderi aýysty. Al, osy ýaqytqa deıin oblys ákiminiń orynbasary bolyp kelgen Erjan Jylqybaev Taraz qalasynyń ákimi ornyna jaıǵassa, sońǵy kezde Nur Otan partııasy Nur-Sultan qalalyq fılıaly tóraǵasynyń birinshi orynbasary qyzmetin atqarǵan Dáýlet Káribek Jambyl oblysy ákiminiń orynbasary bolyp taǵaıyndaldy.
Al, búgin óńirde Jambyl oblysynyń ákimi Berdibek Saparbaevtyń ókimimen eki birdeı basqarmanyń basshylary taǵaıyndaldy. Uzaq ýaqyttan beri bos turǵan oblystyq týrızm basqarmasynyń basshylyǵyna Jalǵas Murtaza keldi. Ol osy ýaqytqa deıin oblys ákimi apparatynyń óńirlik baqylaý jáne uıymdastyrý-ınspektorlyq jumysy bóliminiń basshysy bolyp istegen. Sonymen qatar, 2018 jyldan beri Qordaı aýdany ákiminiń orynbasary bolyp kelgen Erlan Orynbaev búgin oblystyq qurylys basqarmasynyń basshysy bolyp taǵaıyndaldy.
