Taǵaıyndaý • 22 Sáýir, 2021

Saýran aýdanyna alǵashqy ákim taǵaıyndaldy

94 ret kórsetildi

Memleket basshysy Qasym-Jomart Toqaevtyń Jarlyǵymen jańadan qurylǵan Túrkistan oblysy Saýran aýdanynyń alǵashqy ákimi bolyp, QR Prezıdenti Ákimshiliginiń kelisimimen jáne Saýran aýdandyq máslıhaty depýtattarynyń biraýyzdan qoldaýymen, Ǵanı Qurmashuly Rysbekov taǵaıyndaldy, dep habarlaıdy Egemen.kz.

Oblys ákimi О́mirzaq Shókeev Saýran aýdanynyń ákimine aldaǵy jumysyna sáttilik tileı otyryp, abyroıly eńbek etetinine senim bildirdi. Basty nazar aýdaratyn birqatar máselelerge toqtalyp, naqty tapsyrmalar júktedi. О́z kezeginde Ǵanı Rysbekov senim artqan barsha azamattarǵa alǵys aıtyp, jańadan qurylǵan aýdannyń damýy men órkendeýi jolynda bar kúsh-jigerin jumsaıtynyn aıtty.

Ǵanı Rysbekov 1962 jyl 8 sáýirde Túrkistan qalasynda týylǵan. 1986 jyly Selınograd aýyl sharýashylyǵy ınstıtýtyn ǵalym agronom mamandyǵy, 2005 jyly Q.A.Iаsaýı atyndaǵy Halyqaralyq qazaq-túrik ýnıversıtetin qarjyger mamandyǵy boıynsha bitirgen. Eńbek jolyn 1979 jyly Túrkistan qalasynda Chapaev atyndaǵy kolhozda jumysshy bolyp bastaǵan. 1980-2015 jyldar aralyǵynda Túlkibas jemis-jıdek zaýytynyń jumysshysy, Selınograd oblysy Balhash aýdany Veselovskıı sovhozynyń aǵa agronomy, Túrkistan aýdany ákimi apparaty uıymdastyrý bóliminiń ınspektory, meńgerýshisi, Túrkistan qalasy jastar isi sport jáne týrızm basqarmasynyń bastyǵy, Túrkistan qalasy ákimdiginiń sharýashylyq basqarmasy memlekettik mekemesiniń bastyǵy, Túrkistan qalalyq máslıhatynyń hatshysy bolǵan. 2019 jyldan beri Kentaý qalasynyń ákimi, Qazaqstan halqy Assambleıasy Túrkistan oblystyq fılıaly tóraǵasynyń orynbasary, oblys ákimi apparaty basshysynyń orynbasary qyzmetterin atqaryp keldi.

Sondaı-aq bul kúni Saýran aýdandyq máslıhaty jetinshi shaqyrylymynyń alǵashqy sessııasy ótti. Depýtattarǵa kýálikter men tósbelgiler tabys etildi. Máslıhat quramyna «Nur Otan», «Aqjol» jáne «Aýyl» partııalarynyń músheleri kirdi. Aýdandyq máslıhat hatshysy bolyp Meırambek Kýnpeısov saılandy. Jergilikti máslıhattyń turaqty komıssııasy qurylyp, tóraǵalary saılandy jáne  «Saýran aýdandyq máslıhat apparaty» memlekettik mekemesiniń qurylymy bekitildi.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar