Qoǵam • 22 Sáýir, 2021

Qaıyrymdylyq uıymdary iske asyrǵan jumystary jaıly esep berýge mindetteledi

10 ret kórsetildi

Aqparat jáne qoǵamdyq damý mınıstrligi volonterlikti damytýdyń 2021-2023 jyldarǵa arnalǵan Jol kartasyn ázirledi. Bul volonterlik bastamalardy odan ári damytýǵa yqpal etip, azamattardyń volonterlik qyzmetke qatysýyn jandandyrýǵa, volonterlik mádenıetti odan ári nyǵaıtý úshin jaǵdaı jasaýǵa múmkindik beredi. Bul týraly Ortalyq kommýnıkasııalar qyzmetinde ótken brıfıngte aqparat vıse-mınıstri Bolat Tilepov habarlady, dep jazady Egemen.kz.

Onyń málimetinshe, bir jylda elimizdegi volonterlik uıymdardyń sany 3 ese ósip, eriktilerdiń qatary 200 myńǵa jetken.

«Pandemııa kezeńinde, tótenshe jaǵdaılar kezinde volonterlik pen qaıyrymdylyq jasaý sııaqty qyzmet túrleri asa ózekti bolyp otyr. Bul rette azamattardyń bastamalary men jalpy belsendiligin kótermeleý úshin zańǵa qaıshy kelmeıtin ártúrli mehanızmder qarastyrylǵan. Prezıdenttiń bastamasymen olarǵa júıeli qoldaý tetikteri engizilýde. Bul eń aldymen qoldanystaǵy zańdy jetildirýge qatysty. Birinshiden, joǵary, arnaýly orta oqý oryndaryna túsý kezinde, sondaı-aq azamattyq jáne memlekettik qyzmetke kirý kezinde volonterlerdiń, qaıyrymdylyq jasaýshylardyń quqyqtaryn keńeıtý qarastyrylady, ıaǵnı belgli bir deńgeıde jeńildikter jasalady. Sonymen qatar, volonterlik jáne qaıyrymdylyq uıymdaryna memlekettik múlikti jeńildik arqyly paıdalaný múmkindigi engiziledi; zeınetkerlikke shyqqan kezde azamattardyń volonterlik qyzmet atqarǵan ýaqytyn esepke alý kózdeledi; korporatıvtik volonterlik, qaıyrymdylyq jáne elektrondyq qaıyrymdylyqpen aınalysý boıynsha normalar engiziledi. Iаǵnı, fandraızıng, kraýdfandıng platformasy, tólem termınaldary, sms, onlaın-bankıng arqyly qaıyrymdylyq jasaý tetikteri pysyqtalady», dedi B.Tilepov.

Budan basqa, qaıyrymdylyq kómektiń ashyqtyǵyn qamtamasyz etý úshin qaıyrymdylyq uıymdardyń reestri jasalyp, qaıyrymdylyq uıymdaryn iske asyrǵan jumystary týraly esep berýge mindetteıtin norma engiziledi.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar