Medısına • 23 Sáýir, 2021

Jappaı vaksınalaý algorıtmi jasaldy

78 ret kórsetildi

«Jasyl aımaqtaǵy» eki óńirdiń biri Túrkistan oblysynda barlyq memlekettik mekemelerdiń keńselik qyzmetkerleri 50% qashyqtan jumys isteýge aýysqan. Sondaı-aq buǵan deıin ruqsat berilgen juma jáne taraýıh namazdary ýaqytsha toqtatylyp, eske alý, aýyzashar syndy otbasylyq is-sharalarǵa tyıym salynady.

 

Qoǵamdyq tamaqtaný oryndary­na jumys jáne demalys kún­deri saǵat 09.00-den 22.00-ge deıin qyzmet kórsetýge ruqsat be­rildi. Ǵımarattyń ishi 50%-ǵa deıin ǵana toltyrylýy tıis. «Jańa qaýly bo­ıynsha oblystaǵy barlyq sport­tyq is-shara toqtatylady. Bılıard, boý­lıng, kompıýterlik klýb­tardyń qyz­metine, oıyn-saýyq ortalyq­taryndaǵy bala­lar­­dyń oıyn alań­sha­­laryna, attraksıondardyń ju­my­­sy­na tyıym salynady. Al teatr­­larda buǵan deıin kórer­men­der­­diń tolym­dylyǵy 50%-ǵa deıin qyz­met kórsetip kelse, endi 20% tolym­dy­lyq­ta qyzmet kórsetedi», deıdi oblys­t­yń bas sanıtar dárigeri Nurbek Nyshanov.

Alaıda jańa qaýly qabyldanyp, shekteýler engizilgenimen túrki­­stan­dyqtardyń toı-jıyny toqtar emes. Kúni keshe Sozaq aýdandyq polısııa bóliminiń qyzmetkerleri ka­rantın rejimin jáne shekteý sha­ralaryn saqtaý maqsatynda turaqty túrde uıymdastyrylatyn is-shara kezinde 100-ge jýyq adam jınalǵan besik toıdy toqtatty. Aýdanda jalpy jyl basynan beri karantın rejimin buzýshylyqtyń 63 dáıegi tirkelip, ákimshilik hatta­malar túzilgen. Onyń ekeýi jeke ká­sipker, beseýi otbasylyq mereke ótkizgender. Qalǵany saltanatty is-sharalar uıymdastyrǵan. Bul bir aýdandaǵy ǵana jaǵdaı. Bul oraıda dárigerler indetti aýyzdyqtap, aǵaıyn-týyspen burynǵydaı jıi aralasýǵa jaqyndatatyn jalǵyz jol – ekpe salý ekenin aıtýda.

О́ńirde jasalǵan jappaı vaksınalaý algorıtmine sáıkes, qala jáne aýdan turǵyndary vaksınany jergilikti emhanalardyń egý ka­bınetterinde arnaıy tizim jáne aldyn ala jazylý tásili boıynsha saldyrady. Ekpe sondaı-aq jyljymaly pýnktterde júrgizi­le­di. Turǵyndar aldyn ala Egov elektrondy júıesi arqyly tirke­lip, erikti túrde vaksına jasata alady.

Oblys ákimi О́mirzaq Shókeev­tiń tóraǵalyǵymen ótken apparat otyrysynda qoǵamdyq densaý­lyq basqarmasynyń basshysy Marat Pashımov Túrkistan qalasyn­da 10 vaksınalaý pýnktteri uıymdas­ty­rylǵanyn aıtty. Vaksınany saq­taý jáne tasymaldaý sharttary saq­tala otyryp, jalpy 80 egý pýnkt­terinde ekpe salynady. Olar 60 termokonteınermen qamtamasyz etilgen. Qosymsha 50 danasy satyp alynady, 30 kóshpeli egý brıgadasy qurylǵan. Ortalyqtar arnaıy daıarlanǵan mamandarmen, 500-den astam dáriger men orta býyn medısınalyq qyzmetkerlerimen qamtamasyz etildi. Oblysqa qarasty vaksına saqtaıtyn qoımada kólemi 300 lıtr bolatyn 2 muzdatqysh bar. Sonymen qatar oblystyq bıýdjet esebinen kólemi 143 lıtr 20 dana jáne kólemi 601 lıtr 2 muzdatqysh satyp alynǵan. Odan bólek vaksınalaý júrgizýge arnalǵan 65 pýnkt tońazytqyshpen jabdyqtalǵan.

Pandemııa bastalǵaly oblysta 600 myńnan astam adam PTR test tapsyrǵan. Sońǵy táýlikte aýrýǵa shaldyqqan 48 adam tirkeldi. О́ńirdi 185 myń doza reseılik Spýtnık V jáne 752 myń doza QazCovid-in otandyq vaksınasymen qamtamasyz etý josparlanyp otyr. Aqpan aıynan bastap reseılik vaksınanyń 43 400 dozasy jetkizildi. Búginge deıin 43 myńnan astam adam vaksına qa­byldady. Sáýir aıynyń sońyna deıin 72 myńnan astam doza vaksına jetkizý josparlanǵan. Oblys boıynsha 610 ınfeksııalyq jáne 300 karantındik tósektik oryn uıymdastyrylǵan. Búgingi tańda ınfeksııalyq tósektik oryndardyń júktemesi – 60,8%, al karantındik tósektik oryndarynyń júktemesi – 16%.

 

Túrkistan oblysy

 

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar