Rýhanııat • 23 Sáýir, 2021

Shúkirshilik

699 ret kórsetildi

Adam balasynda shúkirshilik deıtin uǵym bar. Burynǵy atalarymyz ózderiniń ómir súrý ádebin «qıyndyq kelse sabyr etemiz, jaqsylyq kelse shúkir etemiz» dep baǵamdaǵan. Demek «sabyr» men «shúkir» uǵymdary – qaı zamanda, qaı dáýirde de bolsyn adamzattyń rýhanı tiregi hám adaspas, adastyrmas temirqazyǵy.

Dana Abaı atamyz óziniń 38-shi qarasózinde shúkirshiliktiń mańyzy men nyǵmeti jaıly: «Ǵıbadattyń bári shúkirshilikten týady. Endi zın­har ǵadalát, shapaǵattan bosan­bańdar. Eger bosansań, ıman da, adam­dyq ta hammasy bosanady. Sahıb nıǵmetke shúkirshiligiń joq bolsa, ádepsizdikpenen kúnáhar bolmaısyń ba?» deıdi.

Sol sııaqty, qazaqtyń úlken aqy­ny Qadyr Myrza Álı «Iirim» atty estelik kitabynda Ekinshi dú­nıe­júzilik soǵys jyldaryndaǵy aýyl ómirin sýretteı otyryp: «Áje­miz syrtqy kıimderin sheship, jas­tyǵynyń astyna salyp qısaıady. Sodan soń daýysyn shyǵaryńqyrap, «O, Qudaı! Bergenińe shúkir!» deıdi. Solaı dep Jaratqanǵa yrzashylyq bildirip jatqan ájemizdiń jalǵyz ulynan qara qaǵaz kelgen, kúıeý balasynan qara qaǵaz kelgen! Shalynan túk habar joq. Sóıte tura «O, Ja­ratqan! Bergenińe shúkir!» deıdi. Nesine shúkir deıdi?! Osy suraqty biz ájemizge qoıamyz. «Shúkir demegende ne deımin?! Budan da jaman bolýy múmkin ǵoı» deıdi ol. Men budan jaman kúnderdi kóz aldyma elestete almaı, sharshaımyn da uı­qyǵa ketem» dep jazypty. Mine, bul – ǵasyrlardan úzilmeı jalǵasyp kele jatqan qazaqtyń ımanı ádebi, qı­yndyqqa shúkir etýdiń shynaıy úlgisi.

«Juldyz» jýrnalynyń 1988 jylǵy №10 sanynda Shákárim qajy­nyń nemeresi Kámıla Ǵafýrqyzynyń esteligi jarııalanypty. Osynda aıtylǵandaı, 1931 jyldyń kúzinde «Shákárimniń otbasysy túgelimen qa­maýǵa alynsyn» degen sýyq habar jetip, aǵaıyn-týys, bala-shaǵa, azan-qazan, ý shý bolysady. Sol kez­de qajynyń 50 jyl otasqan jary Aıǵansha báıbishe: «Káne, toq­tatyńdar, biz 50 jyl shalqyp ómir súrdik, endigi bir zaýaldyń keletin ýaqyty boldy emes pe, burynǵy baqytty ómirlerińe nege shúkirshilik etpeısińder?!»  dep aqyrǵan eken.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar