Aımaqtar • 23 Sáýir, 2021

Kıberalaıaqtar SQO turǵynyn 2 mıllıon teńgege aldady

9 ret kórsetildi

SQO Aıyrtaý aýdanynda turatyn qarapaıym jumysshy ınternet-alaıaqtarǵa 2 mıllıonnan teńgeden astam qarajatyn aýdarǵan. Ol keń taraǵan ádis boıynsha aldanǵan, dep habarlaıdy Egemen.kz.

Jaǵymdy daýyspen áıel adam habarlasyp, munymen banktiń qaýipsizdik qyzmeti qyzmetkeriniń sóılesetinin aıtyp, telefondy basqa adamǵa bergen. Al ol alaıaqtar jábirlenýshiniń shotyn buǵattap tastaǵanyn, endi jańa shot ashý qajettigin aıtqan.

Alaıaq senimdi sóılep, psıhologııalyq qysym kórsete otyryp: «Eger siz bulaı istemeseńiz, óz aqshańyzdy eshqashan kórmeısiz, shotyńyzdan osylaı joǵalyp turady» dep ılandyrǵan. Qýlyǵyna kónip qalǵan aýyldyq 2 mıllıon teńgege nesıe alyp, qaskóıler kórsetken kartochkaǵa aýdaryp, qupııa sózderin, sms-habarlamasymen kelgen kodty bergen. Jumysshy baılanys úzilgennen keıin ǵana alaıaqtyń qurbany bolǵanyn túsinip, polısııaǵa júgingen.

«Er adam aılanyń mundaı amaldaryn estigenin, biraq eskertýlerge qulaq aspaǵanyn aıtty», deıdi Aıyrtaý aýdany polısııa bóliminiń bastyǵy, polısııa polkovnıgi Marat Serkeshov.

«Aýdanda ınternet-alaıaqtyqtyń aldyn alý jumystary belsendi júrgizilip jatqanyn atap ketken jón. «Kıberqylmyskerlerdiń belsendiliginiń artqany týraly eskertýler aýdandyq gazet betterinde, PB Instagram-daǵy akkaýnttarynda jarııalanyp turady. Jastardy tarta otyryp chellendjder ótkizilip, broshıýralar úlestirildi. Profılaktıkalyq beınerolıkter HQKO jáne Ortalyq aýdandyq aýrýhanalarda kórsetilýde. Soltústikqazaqstandyqtardy polıseılerdiń usynystaryna qulaq asýlaryn suraımyz», deıdi ol.

Soltústik Qazaqstan oblysy

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar