Prezıdent • 23 Sáýir, 2021

Qasym-Jomart Toqaev Qorǵanys mınıstrin qabyldady

43 ret kórsetildi

Prezıdent – Joǵarǵy Bas Qolbasshyǵa vedomstvonyń bıylǵy jyldyń birinshi toqsanynda atqarǵan jumysynyń qorytyndysy, áskerdiń jaýyngerlik daıyndyǵy men tártibi, sondaı-aq, sybaılas jemqorlyqqa qarsy qabyldanyp jatqan sharalar týraly baıandaldy, dep habarlaıdy Egemen.kz Aqordanyń baspasóz qyzmetine silteme jasap.

Kezdesý barysynda koronavırýs indetine qarsy kúres jaǵdaıyna erekshe kóńil bólindi. Nurlan Ermekbaev áskerı medısınanyń PTR-zerthanalarmen qamtylýy jaıynda aıtty. Mınıstrdiń sózinshe, Nur-Sultan jáne Almaty qalalarynda eki zerthana iske qosylǵan, al Aqtaý men Semeıde mobıldi keshen jumys istep tur. Ofıserler men sarbazdarǵa vaksına salý jalǵasýda. Búginde Qarýly Kúshter quramynyń 20 paıyzyna ekpe egilgen.

Mınıstr Memleket basshysyna «Altyn jebe» arnaıy operasııasy jáne «Qalqan-2021» vedomstvoaralyq keshendi oqý-jattyǵý jıyndarynyń nátıjeleri, sondaı-aq, ekinshi jartyjyldyqqa josparlanǵan «Otpantaý» strategııalyq oqý-jattyǵýǵa daıyndyq jóninde esep berdi.

Qasym-Jomart Toqaevqa Qazaqstannyń halyqaralyq áskerı yntymaqtastyq baǵyttary, Qarýly Kúshterdi áskerı tehnıkamen jabdyqtaý, Qarýly Kúshterdiń tujyrymdamasyn damytý jumystary týraly aıtyldy. Sonymen qatar Otan qorǵaýshylar kúni men Jeńis kúnin merekeleýge daıyndyq barysy, 2022 jyly Qazaqstan áskeriniń qurylǵanyna 30 jyldyǵyn atap ótýdi uıymdastyrý jumystary talqylandy.

Kezdesý sońynda Joǵarǵy Bas Qolbasshy Qorǵanys mınıstrine elimizdiń qorǵanys qabiletin odan ári arttyrýǵa baǵyttalǵan birqatar tapsyrma berdi.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar