«RZN» JShS jobaǵa shamamen 8 mlrd teńge ınvestısııa salýdy josparlaýda. Zaýyt táýligine 1000 danaǵa deıingi avtoklavty uıaly beton shyǵarady.
Aýdan ákimi Nurbol Turashbekovtiń málimdeýinshe, óndiriste 150 jumys orny ashylady. Qurylysta qoldanylatyn gaz blogyna elimizde ortasha jyldyq qajettilik – 3,6 mıllıon tekshe metr.
«Osy ónimderdiń jetispeý máselesi Maqtaaral óńirindegi qalpyna keltirý jumystary kezinde jáne Túrkistan qalasyndaǵy aýqymdy qurylystar barysynda baıqaldy. Túrkistan aımaǵyndaǵy qolaıly ınvestısııalyq ahýal bizge eń jaqsy ınvestorlardy tartýǵa múmkindik beredi. Muny statıstıka da dáleldep otyr. О́tken jyly Túrkistan oblysy kásipkerlikti júrgizý boıynsha birinshi orynǵa shyqty jáne negizgi kapıtalǵa salynǵan ınvestısııanyń ósimi boıynsha kóshbasshy boldy», deıdi oblys ákiminiń orynbasary Meıirjan Myrzalıev.
Bıyl «Indýstrııalandyrý kartasy» aıasynda taǵy úsh joba iske qosylyp, 300-den astam jańa jumys ornyn ashý kózdelgen.
