Bul kýrstyq daıarlyq bilimdi, daǵdylardy jáne kishi komandalyq quramnyń komandırlik qasıetterin jetildirý maqsatynda ótkiziletin is-sharalar kesheni.
Oqýdy uıymdastyrý barysynda oryndaıtyn laýazymdyq mindetterden bir saty joǵary laýazymdy atqarý úshin qajetti daǵdylardy damytyp ári bekitýge, baǵynysty jeke qurammen sabaqtar ótkizý kezinde ádistemelik sheberlikti arttyrýǵa erekshe kóńil bólinedi.
– Oqý támamdaǵannan keıin tyńdaýshylarǵa oqý pánderinen synaqtar men emtıhandar keshenin tapsyrýy qajet. Ár serjant teorııa men praktıkalyq jaǵynan baǵalanatyn bolady. Emtıhandy úzdik tapsyrǵandarǵa sertıfıkattar beriledi, – dedi Áskerı kolledj bastyǵynyń oqý bólimi boıynsha orynbasary podpolkovnık Roman Holod.
Onyń aıtýynsha serjantty joǵary laýazymǵa taǵaıyndaý barysynda jeke daıyndyq deńgeıiniń kórsetkishteri mindetti túrde eskeriledi.
Biliktilikti arttyrý kýrstaryna «Ońtústik», «Shyǵys», «Batys», «Astana» tórt óńirlik qolbasshylyqtan, sondaı-aq Zymyran áskerleri men artıllerııa jáne Desanttyq shabýyldaý áskerlerinen barlyǵy 40-qa jýyq serjant qatysty. Atalǵan oqý osy jyldyń 29 sáýirine deıin jalǵasady.
