Berik Ýálı Ulttyq qoǵamdyq senim keńesiniń 3-otyrysynda pedagog mamandyǵyna oqıtyn stýdentterdiń shákirtaqysyn kóterý týraly tapsyrma berilgenin eske saldy.
«Pedagogıka mamandyqtaryna túsýge qoıylatyn talaptardy kezeń-kezeńimen arttyrý qajet. Mamandyqtyń bedelin bıiktetý maqsatynda bolashaq ustazdardyń shákirtaqysyn 26 myńnan 42 myń teńgege deıin kóterý kerek», dedi Memleket basshysy.
Jazbada pedagog mártebesin kóterý baǵytynda atqarylǵan ózge de ıgi ister týraly málimet berilgen. Atap aıtsaq, pedagogıkalyq baǵyt boıynsha oqýǵa túsý úshin UBT-nyń shekti baly 60-tan 70-ke kóterilgeni, shákirtaqyny arttyrý úshin 2020-2023 jyldarǵa respýblıkalyq bıýdjetten 17,6 mlrd teńge bólingeni, doktoranttardyń shákirtaqysy 104 498 teńgeden 150 myń teńgege artqany naqty kórsetilgen.
