Lakshmı Mıttal Qasym-Jomart Toqaevqa óndiristi jańǵyrtýǵa jáne ekologııalyq kórsetkishterdi edáýir jaqsartýǵa baǵyttalǵan jańa ınvestısııalyq baǵdarlamany tanystyrdy.
Kezdesý barysynda aýaǵa shyǵarylatyn qaldyqtardy 2024 jylǵa qaraı 30 paıyzǵa azaıtý jáne ekinshi JEO-ny jańǵyrtý jónindegi josparǵa basa mán berildi.
Prezıdent eńbek ónimdiligin arttyrý, joǵary sapaly ónerkásiptik ónimniń túrlerin kóbeıtip, onyń eksportyn ulǵaıtý, zamanaýı tehnologııalardy engizý, sondaı-aq, jańa jumys oryndaryn ashý kerek ekenin atap ótti.
Memleket basshysy ArcelorMittal kompanııasy ózi jumys istep jatqan qalalardyń áleýmettik damýyna belsendi atsalysýy, densaýlyq saqtaý jáne eńbek qaýipsizdigi salalary boıynsha eń joǵary standarttardyń saqtalýy mańyzdy ekenin aıtty.
