Tájikstan tarapynyń málimetinshe, 29 sáýirde saǵat 13:05-te Hodjaı Alo djamoata Chorkýh aýylynyń mańyndaǵy Isfary ózeniniń joǵarǵy aǵysynda ornalasqan «Golovnyı» sý taratý pýnktiniń ýchaskesinde Qyrǵyzstannyń áskerı qyzmetshileri Tájikstan shekara qyzmetshilerine oq jaýdyrǵan.
«Sý taratý pýnktiniń ýchaskesindegi oqıǵa qyrǵyz tarapynyń Tájikstanmen buryn qol jetkizilgen ekijaqty kelisimderdi buzýymen baılanysty. Onda kórshi el sý taratý pýnktin zańsyz basyp alý áreketterin júzege asyrǵan. 1924-1927 jyldardaǵy, sondaı-aq 1989 jylǵy kartalarǵa sáıkes bul nysan tolyǵymen Tájikstan Respýblıkasyna tıesili. 1968 jyldan bastap Tájikstan, Qyrǵyzstan jáne О́zbekstan Respýblıkalarynyń shekaralas aýdandaryn sýarý jáne sýmen jabdyqtaý úshin paıdalanyldy», delingen Tájikstan UQK Shekara áskerleriniń baspasóz ortalyǵynyń habarlamasynda.
Qyrǵyz Respýblıkasynyń Shekara qyzmeti tarapynan ázirge oqıǵa týraly resmı aqparat joq. Qazir QR UQK tóraǵasy Qamshybek Tashıev elden tys jerde. Ol Facebook-te Germanııadan Qyrǵyzstanǵa shuǵyl túrde ushqanyn jazdy.
«Keshe tańerteń Germanııaǵa emdelýge ushyp ketken edim. Biraq búgin Batkendegi oqıǵalarǵa baılanysty aýrýhanaǵa jetpeı, Qyrǵyzstanǵa qaıtyp baramyn. Elge túnde jetemin», dep jazdy Qamshybek Táshıev.
