Sondaı-aq soǵysqa qatysýshylar men múgedekterine teńestirilgen 214 tulǵaǵa birjolǵy materıaldyq tólem qarastyrylǵan.
Jalpy oblys boıynsha 6808 ardagerge Jeńis merekesiniń qurmetine bir rettik materıaldyq kómek tóleý úshin aýdandyq, qalalyq bıýdjet esebinen 233,2 mln teńge qarjy bólindi. Tólemder 4 mamyrǵa deıin tolyq aıaqtalady. Onyń ishinde: 28 Uly Otan Soǵysyna qatysýshylary men múgedekterine – 1 mln teńgeden, 6722 tyl eńbekkerleri men qaza bolǵan jaýyngerdiń jesirlerine – 30 000, 55 blokadalyq Lenıngradtyń turǵynyna, soǵysta qaıtys bolǵandardyń jesirlerine – 60 000, 3 kámeletke tolmaǵan burynǵy tutqyndarǵa, UOSQ, UOSM teńestirilgen basqa da sanattarǵa – 100 000 teńgeden belgilendi. Soǵys ardagerleriniń beınesimen bılbordtar ornatylady. Sonymen qatar barlyq aýdan, qalalarda oblys ákiminiń tapsyrmasyna sáıkes soǵys ardagerleriniń úılerine baryp, quttyqtaý sharalary júrgiziledi.
Oblys boıynsha soǵys ardagerleri turǵyn úımen tolyq qamtamasyz etilgen. Saýyqtyrý sharalaryn júrgizý maqsatynda densaýlyq saqtaý salasy tarapynan 28 ardagerdiń úıine baryp, qajetti medısınalyq qyzmet kórsetilip, dıspanserlik tekserýden ótkizildi. Jyl saıyn aǵa býyn ókilderin saýyqtyrý maqsatynda 7,8 myń jekelegen sanattaǵy azamattar demalyp, emdeledi. Búginde áleýmettik qashyqtyqtyń saqtalýyna baılanysty 7800 orynǵa ardagerlerdiń 50%-y, ıaǵnı 3900 zeınetker densaýlyǵyn túzetýge múmkindik alýda.
