Qoǵam • 30 Sáýir, 2021

Elordada Qazaqstan halqynyń Birligi kúni qalaı ótedi?

38 ret kórsetildi

Bıyl Qazaqstan halqynyń birligi kúnine arnalǵan is-sharalardyń bári onlaın formatta jáne sanıtarlyq normalardy tolyqtaı saqtaı otyryp ótedi, dep habarlaıdy Egemen.kz qala ákimdiginiń resmı saıtyna silteme jasap.

Elordalyq mektepterdiń saıttarynda 30 sáýirde «Qazaqstan – dostyq mekeni!» ashyq sabaǵyn kórýge bolady.

M.О́temisov atyndaǵy Oqýshylar saraıynda 30 sáýir kúni «Birlik pen beıbitshilik rámizderi» onlaın-Teıbl-talk ótedi. Sonymen qatar, saraı ujymy men sheshen-ıngýsh etnolıngvıstıkalyq-mádenı ortalyǵy «Dostyq sálemdeme!» chellendjin bastaıdy.

Nur-Sultan qalasy ákimdiginiń janyndaǵy «Qoǵamdyq kelisim» KMM-niń áleýmettik jelilerdegi resmı paraqshalarynda osy kúnderi elorda QHA EMB basshylarynyń, ókilderiniń beıne quttyqtaýlary jarııalanatyn bolady.

Merekege oraı qalanyń mádenıet mekemeleri kóptegen is-sharalar daıyndady.

NOMAD City Hall sahnasynda 1 mamyrda «Birligimiz jarasqan, Qazaqstan» merekelik konserti ótedi.

M. Gorkıı atyndaǵy memlekettik akademııalyq orys drama teatrynyń kishi sahnasynda 1 mamyr kúni saǵat 18.00-de K.Lıýdvıgtiń «Prımadonny» komedııasy ótedi. Al kelesi kúni atalmysh teatr kórermenderdi V.Shýkshınniń «Svetlye dýmy» áńgimesi boıynsha sahnalyq qoıylymymen qýantady.

1 jáne 2 mamyr kúnderi qýyrshaq teatrynda S.Júnisovtyń «Atameken» dramasy kórsetiledi. Spektaklder saǵat 12.00, 14.00 jáne 16.00 ýaqytynda bastalady.

Nur-Sultan qalasy ákimdiginiń Ortalyqtandyrylǵan kitaphanalar júıesi de merekeden shet qalmaıdy. Birlik kúni № 5 kópshilik kitaphanasy «Júz etnos – bir halyq» balalar sýretteri men shyǵarmashylyq jumystarynyń onlaın kórmesin ótkizedi. Al № 12 kópshilik kitaphanasy áleýmettik jelilerde «Birligimen, dostyǵymen jáne eńbegimen el myqty» etnografııalyq onlaın sıýjetin usynady.

Kórermender 1 mamyr kúni saǵat 14.30-da «Habar» telearnasynan «Yntymaq mekeni» merekelik konsertin tamashalaı alady. Dál osy ýaqytta «Astana» konsert zalynyń sahnasynda qala turǵyndaryna arnap «Yntymaq úıi» onlaın mýzykalyq sharasy uıymdastyrylady.

Dostyq úıiniń Facebook jáne Instagram jelilerindegi akkaýnttarynda «ANK Live» stýdııasynyń tikeleı efırin uıymdastyrý josparlanyp otyr.

«ALJIR» saıası qýǵyn-súrgin jáne totalıtarızm qurbandarynyń memorıaldy-murajaı kesheniniń resmı akkaýnttarynda merekege oraı «Ult birligi – uly baılyq» kórmesi ótedi. Munda 3 mamyrda «Tatýlyq – dostyqtyń kıeli besigi» atty dáris usynylady.

Astanalyq sırk óz kezeginde «Biz birgemiz» onlaın-is-sharasyn ótkizedi.

Beıbitshilik jáne kelisim saraıy 1 mamyrǵa arnap Atrıým zalynda «Qazaqstan halqy Assambleıasy – birlik pen kelisimniń sımvoly» taqyryptyq onlaın-ekskýrsııasyn daıyndap otyr.

3 mamyrda Sáken Seıfýllın mýzeıinde «El tiregi – tatýlyq» onlaın foto-kórmesi ótedi.

Aıta keteıik, elordadaǵy is-sharalardyń bári sanıtarlyq talaptardy tolyqtaı saqtaı otyryp ótedi.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar