Qymbatty otandastar!
Elimizdegi pravoslav hrıstıandaryn kóktemniń jarqyn merekesi – Pashamen quttyqtaımyn! Bul qasterli meıram jurtshylyqty qaıyrymdylyq jasaýǵa, jaqynǵa janashyr bolyp, muqtaj jandarǵa qamqorlyq kórsetýge úndeıdi. Pasha dástúrleri jańarý men jaqsylyqty, meıirimdilik pen ádildikti dáripteıdi. Jahandyq indet bárimizdi synǵa salǵan qazirgi kezeńde jalpyadamzatqa ortaq osy qundylyqtardyń mańyzy artyp, ózara túsinistikti, tatýlyq pen kelisimdi nyǵaıtýǵa septigin tıgizýde. Búgingi shýaqty mereke ár shańyraqty baqyt pen qýanyshqa bóleı bersin!
Barshańyzǵa zor densaýlyq, baq-bereke jáne tolaǵaı tabys tileımin!
Pasha merekesi qutty bolsyn!
