Jol apatynyń vıdeosy áleýmettik jelide tarady.
Almaty qalalyq polısııa departamentiniń málimetinshe, jol apaty búgin saǵat 12:30 shamasynda bolǵan. Yutong markaly avtobýsynyń júrgizýshisi Abaı dańǵylymen avtobýs jolaǵymen shyǵysqa qaraı júrip bara jatyp, solǵa qaraı burylǵanda sol baǵytta kele jatqan Kia Cerato avtokóligimen soqtyǵysqan. Soqqydan ary qaraı avtobýs ınersııamen toqtap turǵan Yong Man trolleıbýsyna soǵyldy. Jol apatynan trolleıbýstyń eki jolaýshysy jaraqat aldy.
«Olar dene jaraqatymen №7 qalalyq klınıkalyq aýrýhanaǵa jetkizildi. Materıal Bostandyq aýdandyq polısııa basqarmasyna jiberildi», dedi Almaty qalalyq polısııa departamentiniń anyqtama basqarmasynyń bastyǵy Oljas Sháripov.
