Memleket basshysyna bıylǵy 4 aı ishindegi aqsha-kredıt saıasatyn júzege asyrýdyń aldyn ala qorytyndylary, koronavırýs pandemııasynyń úshinshi tolqyny kezindegi álemdik ekonomıkanyń damý perspektıvalary, sondaı-aq, álemdegi ınflıasııanyń ósýi men basqa da ınflıasııalyq máseleler týraly esep berildi.
Prezıdentke osy jyldyń sáýir aıynda Qazaqstandaǵy jyldyq ınflıasııa men onyń suranysty qalpyna keltirýge qatysty azyq-túlikke jatpaıtyn bóligindegi údeý qarqyny jaıynda baıandaldy.
Sonymen qatar Erbolat Dosaev Qasym-Jomart Toqaevqa 2021 jyldyń birinshi toqsanyndaǵy tólem balansyna berilgen aldyn ala baǵa týraly jáne bıylǵy 4 aıdaǵy altyn valıýta qorynyń ulǵaıýy men Ulttyq qordyń aktıvterin basqarý jóninde aıtty.
Budan bólek kezdesýde Memleket basshysyna bıylǵy birinshi toqsannyń qorytyndysy boıynsha ekonomıkany nesıelendirý jáne depozıtter kóleminiń ósimi jaıly málimet berildi, sondaı-aq, azamattardy zeınetaqy jınaqtarynyń jetkilikti deńgeıimen qamtamasyz etý boıynsha qabyldanyp jatqan qosymsha sharalar sóz boldy.
Kezdesý qorytyndysy boıynsha Qasym-Jomart Toqaev birqatar naqty tapsyrma berdi.
