Aımaqtar • 06 Mamyr, 2021

Túrkistan oblysynda sóılemdi ejiktep oqıtyn muǵalim dırektordyń qyzy bolyp shyqty

2082 ret kórsetildi

Túrkistan oblysynyń Saryaǵash aýdanyndaǵy mektepterdiń birinde oryssha sózderdi ejiktep oqıtyn muǵalim balalarǵa orys tili páninen sabaq berip kelgen. Yntymaq aýylyndaǵy Sadrıddın Aını atyndaǵy №1 mektepte jumys isteıtin muǵalim testileýde shekti baldy áreń jınaǵan, dep habarlaıdy Egemen.kz.Bul týraly jergilikti telearna habar taratty. 

Jýrnalıster mán-jaıdy anyqtaý úshin mektepke barady. Biraq jumys ýaqytynda dırektor ornynda bolmaı shyqty. Dırektordyń oqý isi jónindegi orynbasarynyń aıtýynsha, ol otbasyndaǵy jaǵdaıǵa baılanysty shyǵyp ketken. Al sóılemniń ózin ejelep oqıtyn orys tili pániniń muǵalimi 1 naýryzǵa deıin bala oqytyp, dekrettik demalysqa shyqqan. 

«Muǵalim dırektordyń qyzy ma?», degen saýalǵa dırektordyń oqý isi jónindegi orynbasary «Iá», dep jaýap berdi.

Aýdandyq bilim bólimindegiler mekteptegi pedagogtarǵa qatysty barlyq jaýapkershilik dırektorǵa júktelgenin aıtty. Muǵalimdi jumysqa alý ne almaý jóninde sheshimdi dırektordyń ózi ǵana qabyldaıdy eken.

«Eger de mektepte bos jumys orny bolsa, ol jóninde habarlama portalda jarııalanýǵa tıis. Osydan keıin nıet bildirgender ótinish jazyp, testileýden ótýine bolady. Al synaqtan ótpese, kelesi joly kelip tapsyrýǵa múmkindik bar. Synaqtan ótken talap berýshimen suhbat júrgizilip, onyń qorytyndysy boıynsha arnaıy komıssııa músheleri muǵalimdi jumysqa alý, ne almaý jóninde sheshim qabyldaıdy», dep túsindirdi Saryaǵash aýdandyq adam áleýetin damytý bóliminiń bas mamany Zakır Tursynbaev.

Bul komıssııanyń tóraǵasy – mektep dırektory, al komıssııa músheleriniń qatarynda qoǵam belsendileri, ata-analar komıtetiniń ókilderi bar.

Belgili bolǵandaı, synaqty muǵalim áreń degende tapsyryp, shekti 50 baldy jınaǵan eken. Biraq biliktiligi tómen muǵalimniń baldy qalaı jınaǵanyna qatysty da saýal týyndaıdy. Jaýaptylar «muǵalimniń orys tili jáne ádebıet páni mamandyǵy boıynsha joǵary bilimi bar» dep sendirdi. Al tıisti qujatty jumys kúniniń sońyna deıin kórsetetinin aıtty.

Eń qyzyǵy, muǵalimniń sabaǵyna aýdandyq bilim bóliminiń mamandary qatysyp, deńgeıin teksergen. Muǵalimniń biliktiligin teksergender men bul oqıǵaǵa qatysty jaýaptylar týraly málimet Túrkistan oblystyq adam áleýetin damytý basqarmasyna joldandy.

Sońǵy jańalyqtar

ShQO-da jasóspirimder ýly gazben ýlandy

Aımaqtar • Búgin, 19:40

Qazaqstanda jańa mereke paıda bolady

Qoǵam • Búgin, 16:45

Ulttyq bank stýdentterdi jumysqa shaqyrdy

Ekonomıka • Búgin, 16:01

Qostanaıda kópqabatty úı órtendi

Aımaqtar • Búgin, 15:01

Kaspıı mańynda jer silkingeni ras pa?

Aımaqtar • Búgin, 14:25

Revaksınasııa kimniń esebinen júrgiziledi?

Koronavırýs • Búgin, 12:37

Almatyda eki adam esirtkimen ustaldy

Oqıǵa • Búgin, 12:28

Elimizde kedeılik 9 ese tómendedi

Qoǵam • Búgin, 12:08

Aldaǵy úsh táýlikte kún sýytady

Aýa raıy • Búgin, 11:55

Uqsas jańalyqtar