1941-1945 jyldar aralyǵynda júrgen soǵysqa Qazaqstandaǵy ár otbasynyń qatysy bar. Ekinshi dúnıejúzilik soǵys kezinde Qazaqstannyń 1 mln 800 myń shamasynda azamaty maıdanǵa attandy. Júzdegen myń otandasymyz urys dalasynda kórsetken erligi úshin orden-medal aldy, al 500-deı qazaqstandyq Keńes Odaǵynyń batyry atandy. 110 qazaqstandyq úsh dárejeli Dańq ordenimen marapattaldy.
Qazaqstan Uly Otan soǵysynyń barlyq qatysýshysyna zor qurmet kórsetip, qamqorlyq jasap keledi. 2020 jyldyń mamyrynda «Ardagerler týraly» zań qabyldandy, onda áleýmettik qoldaý kórsetýdiń uıymdastyrý, ekonomıka jáne quqyq negizderi anyqtaldy.
Osy oraıda Ruh.kz portaly ázirlegen syn saǵatta Otan úshin ot keshken batyrlar, esimi qazir eldi mekender men túrli uıymdarǵa berilgen jandardyń erligi, qaterli sátte taıynbaǵan otandastarymyz jaıly estelik qarap, eske alýdy usynamyz.
