О́kinishke qaraı, eki adam aýrýhana tósegine tańylsa bir adam kóz jumǵan.
Soqqan jel tilsiz jaýdy tejeýdi odan saıyn qıyndatyp, Leshoz shaǵyn aýdanyndaǵy 35 úıdi sharpydy. Qutqarýshylar Lıhachev kóshesiniń 10 turǵynyn evakýasııalady.
О́rttiń oshaǵynda, ormanda orman sharýashylyǵy jeke quramynyń, jergilikti atqarýshy organdardyń jáne TJD órt sóndirýshileriniń 118 qyzmetkeri jáne 20-dan astam tehnıka jumys isteýde. 310 gektar otqa oranǵan. Ony sóndirýge MI-8 jáne MI-2 áýe orman kúzetiniń tikushaqtary kelip, 17 500 tekshe metr sý tókti.
Jedel járdem jelisi boıynsha Leshoz kentinen 1949 jáne 1980 jyly týǵan eki er adam kúıik shalyp, jergilikti aýrýhananyń jansaqtaý bólimine jetkizildi. Al polıseıler 1948 jyly týǵan áıeldiń máıitin taýyp aldy. Qazirgi ýaqytta derekter naqtylanýda. Mamandardyń paıymdaýynsha, órtti qasaqana qoıǵan nemese otty abaısyz paıdalanǵan.
