«Jaqynda UBT-ny elektrondyq formatqa kóshirý týraly post jarııaladym. Bul ózgeristerdi qoǵam jaqsy qabyldap, qoldaý bildirdi. Biraq, biz tek Ulttyq Biryńǵaı Testileýdi ǵana emes, barlyq irikteý is-sharalarynyń formatyn ashyqtyq pen ádildikti qamtamasyz etý úshin ózgertýdemiz. Osy bastamalar týraly qysqasha toqtalar bolsam, birinshiden, oqýshylardyń pándik olımpıadasy. Biz bıyl aqpan aıynda alǵash ret oqýshylar arasynda respýblıkalyq olımpıadany elektrondyq formatta ótkizdik», dep jazdy mınıstr Facebook paraqshasynda.
Onyń aıtýynsha, olımpıada barysynda ár qatysýshyǵa jeke kompıýter berilip, is-áreketin beınekamera baqylap otyrdy. Sondaı-aq arnaıy ortalyqta kezekshiler barlyq prosesti qadaǵalaı alyp, proktorıng júıesi de qoldanyldy. Áleýmettik jelilerde jáne arnaıy portalda ashyq translıasııa júrgizildi.
«Sonymen qatar biz bıyl olımpıada tapsyrmalaryn tekserý júıesin de ózgerttik. Buryn qazylar alqasy múshelerine balalardyń jumystary proporsıonaldy túrde berilse, endi baǵalaý kezinde sýbektıvızmdi tómendetý úshin qazylar alqasynyń ár múshesi bir ǵana tapsyrmany kórip, baǵalaı aldy. Kelesi jyldary da olıpıadanyń oblystyq jáne respýblıkalyq kezenderi tek qana osyndaı formatta ótetin bolady», dedi Ashat Aımaǵambetov.
