«Memleket basshysynyń Jarlyǵymen Erjan Sansyzbaıuly Qystafın Qazaqstan Respýblıkasynyń Pákistan Islam Respýblıkasyndaǵy Tótenshe jáne О́kiletti Elshisi laýazymyna taǵaıyndaldy», delingen habarlamada.
Erjan Sansyzbaıuly 1978 jyly 8 qazanda Qaraǵandy qalasynda dúnıege kelgen. E.Bóketov atyndaǵy Qaraǵandy memlekettik ýnıversıtetin halyqaralyq zańger mamandyǵy boıynsha bitirgen. Eýropalyq halyqaralyq strategııalyq zertteýler ınstıtýtynyń (Brıýssel q.) halyqaralyq qatynastar salasynda magıstr dárejesine ıe.
Eńbek jolyn 1999 jyly Nur-Sultan qalasy Ádilet basqarmasynyń sot prıstavy laýazymynan bastady, ári qaraı QR Qarjy mınıstrliginiń Zań qyzmeti departamentinde jumysyn jalǵastyrdy.
О́ziniń dıplomatııalyq mansabyn 2001 jyly QR SIM Halyqaralyq quqyq departamentiniń attashesi laýazymynan bastaǵan. 2002 jyldan 2005 jylǵa deıin QR SIM Apparaty Zań bóliminiń úshinshi hatshysy laýazymynan bólim bastyǵyna deıin kóterildi. 2005-2007 jyldary – Memlekettik til jáne zań saraptamasy basqarmasynyń bastyǵy. 2007 jyly Ákimshilik departamenti dırektorynyń orynbasary bolyp taǵaıyndaldy, sodan keıin 2009 jyly departamentti basqardy. 2010-2015 jyldary Qazaqstannyń Belgııadaǵy Elshiliginiń keńesshi-ýákili bolyp jumys istedi. 2016 jyldan 2019 jylǵa deıin QR SIM Ákimshilik jáne baqylaý departamentin basqardy.
Qazaqstannyń Pákistandaǵy Elshisi laýazymyna taǵaıyndalǵanǵa deıin 2019 jyldan bastap Qazaqstannyń AQSh-taǵy Elshiliginiń keńesshi-ýákili boldy.
II synypty Tótenshe jáne О́kiletti Ýákil dıplomatııalyq dárejesine ıe.
