Sharany EQYU PA Terrorızmge qarsy is-qımyl jónindegi arnaýly komıteti uıymdastyrdy. Oǵan senator Qaırat Qojamjarov qatysty.
Is-sharaǵa qatysýshylar «Jýsan» jáne «Rýsaf» operasııalarynyń negizgi nátıjeleri, onyń ishinde osyndaı operasııalardy ázirleý kezinde jasalǵan saıası jáne dıplomatııalyq jumystar týraly aıtyp berdi.
Qazaqstan óz azamattaryn Sırııa men Iraktan repatrıasııalaǵan Ortalyq Azııadaǵy alǵashqy memleketterdiń biri bolǵanyn atap ótken jón. 2019 jyly Qazaqstan bıligi eki operasııa júrgizdi, onyń nátıjeleri boıynsha 600-den astam otandasymyz elge qaıtaryldy, olardyń 400-ge jýyǵy balalar.
Kezdesýge qatysýshylar repatrıasııany júzege asyrý, sheteldik terrorıst-sodyrlardy jáne olardyń otbasy múshelerin tıimdi qýdalaý men ońaltý, sondaı-aq olardyń qoǵamǵa kedergisiz qaıta beıimdeý máselelerin talqylady.
